later كتب: ↑منذ 5 سنوات
ممكن سؤال اذا سمحت؟ ماسبب اختيارك بريطانيا بالتحديد؟ يعني ليه مو **** او فرنسا كلهم باوروبا او كندا رغم مميزاتها؟
عشان اشوفكم فيالفترة الاخيرة كلكم على بريطانيا ماالسبب؟ وشكرا
اولا نفسيا انا ارتاح لبريطانيا لانه ماتحس بغربه ابداا يعني بتهاجر وبتبتعد عن بلدك واهلك وناسك مجبور لكن في نفس الوقت مافيها مقارنهه بباقي الدول كندا حلوه بس جدا بعيده ثانيه الجو فيها اغلب الشتا واطف وصقيع وثلوج ومدنها متراميه الاطراف يعني لازم سياره وبالنسبه للي بيطلع لجوء بيعاني شوي من وجه نظري انا طبعا اكيد يمكن لا
ثاني شي موضوع اللغه والتعامل
مقارنه بالمانيا وفرنسا من االلغه هنا جدا سهله في ست شهور بالكثير لو انت مره ماتعرف تتكلم ولاتعرف الاساسيات بتكون بلبل مقارنه باللغه الفرنسيه والالمانيه
فرنسا خصوصا سمعتها سيئه من ناحيه اللجوء وبلد صعب الواحد يعيش فيها او يلقى شغل حسب ماسمعت من خارج المنتدى ومن قصص بعض الناس خصوضا ان تعاملهم سيي مع البنات فكيف معنا احنا الشباب ؟؟ ماسمعت ابدا ان تم التعامل بعنف في بريطانيا مع شخص طالب لجوء بالنسبه لي انا كاقل تقدير خصوصا النساء جدا تعاملهم محترم لابعد حد واكثر الي في مراكز القبول حق اللاجيين من اصول عربيه واسويوه باستثناء المحققين ورجال الامن
ثالث شي عندي معارف من زمان من ايام الدراسه هاجروا من اكثر من عشرين سنه صح انهم خارج لندن وعلى قد حالهم بس يعني احس ان في ناس اتوصل معهم وادردش معهم طول الوقت
رابعا الاماكن في لندن انا ماحسها مدينه تنمل مقارنه بباريس مثلا حتى لو حطوني في مانشستر او ليفربول بريطانيا ارتاح لها نفسيا ومدنها ملمومه
الحياه حلوه هنا ومقدرو عليها بالنسبه للاكل والمواصلات باستثناء الايجار
الوظايف فيها اكثر من باق اوروبا انا جتني عروض حتى وانا كنت في بوظبي بس من ضمن الشروط انه لازم اكون مقيم رسمي ومصرح لي بالعمل وهذا طبعا ماعندي
لندن خصوصا الي يجيها صيف او شتا مابيحس بالغربه ابدا ابدا ابدااا وهذا مهم بالنسبه لطالب اللجوء خصوصا لو كان من النوع الي يمل بسرعه او يخاف مابيحس بالغربه هنا اللغه العربيه تعتبر ثاني لغه في بريطانيا
الي بيزور لندن اول مره بيقول مابطلع منها مافي اي احساس بالغربه ابداا ونسبه الامن عاليه جدااا لان مافيها لاجييين كثير مثل كندا والمانيا