من أول ما شفت هالقسم، لاحظت كثره فيه النشاطات . أتمنى كل وحده حققت لها رغبتها الي تبغاها. والرحمه لكل وحده طاحت ضحيه لذكر السعودي.
هل بنظرك التعاون مع الذكر السعودي يساعدكي ويهربك من السعوديه! على بالك بتلاقي كثير زي الدكتور طالب!!
لا تحسني الظن مع من هدمو وطنك بثقافتهم وافكارهم الرجعيه .. لا تعطي نفسك أمل مع عديمين الانسانيه!
لا تتأملي بالاصلاحات التي تصير بالسعوديه ، فكري بالمنطق 70% او أكتر من المجتمع يحارب حريتكي!
على بالك انه يتعرف عليك اونلاين ويحبك ويتزوجك او ينقذك من جهنم !! اصحي من الأحلام
أنا حبيت اذكر لكم تجربتي الخاصه و ممكن الاستفاده منها كأخذ الحيطه والحذر.. حاولت الاختصار..
قبل ثلاث او اربع سنين فتحت حساب بتويتر، وكتبت فيه إني ابحث عن شخص لاديني ابغى اتعرف عليه واذا تناسبنا رح اتزوجوا "زواج حقيقي"
استغربت انه كتير شجعني ع هالشي واتبعوني فولو مي ،، مو مثل حسابي الأول الي الكل يشتم فيه عشان كاتبه بالبروفايل اكس مسلم
يعني كل الحسابين كاتبه اني لادينيه. . لكن شتموني بالحساب الاول ، ومدحوني بالحساب الآخر لاني كنت "أبحث عن رجل"!
كان ما يمر يوم الا توصلني الاف المسجات ومع صورهم ومعلوماتهم واغلبها كذبيه. وكلهم لادينين على حسب قولهم!
قلت ماعليه اتكلم معهم صوت ببرنامج بي بي ، اتاكد من صدقهم او لا.. بما انه قال انه لاديني فسؤالي البديهي ايش سبب تغيرك وحكيني عن نفسك
قالي ماعليك تبين اكون مسلم اصير، تبين اكون مسيحي اصير، حتي يهودي اصير .. خقيت ع هالصوت ودي اتزوجك
وبعضهم اتناقش معهم على الدين عشان أتأكد انه غير مسلم، فكنت اشتم الله بـ الصنم فكان ماقدر يستمر بالتمثيل ويرد بـ استغفر الله خخخ
مره لقيت شخص سعودي ملحد قلت في نفسي خلاص هذا صادق مو مثل المسلمين، فقلت لازم اجرب اخر خطوه قبل ما اعطيه كل معلوماتي.
رسلت عليه صديقه لي اماراتيه ، فتجاوب معاها بسرعه وقلها نفسي اتزوج اماراتيه ملحده متفتحه.
شعرت بالخيبه والقهر وفقدت الأمل .. فرجعت لحسابي الأول اشتم واسب الذكور السعوديين .. وفجأه
الاقي رتويت من شخص لتغريده الدكتور طالب ، فدخلت على حسابه فشدني جمله في بروفايله "لاجيء بآلماتيا" يعني سعودي+لاجيء .. كيف كدا؟؟؟؟
أنا اعرف انه السوريين يسمون لاجئيين كون في بلادهم حرب ، ايضا كون صديقتي العراقيه قالت لي قبل سنوات انه السعوديين مايعطونهم لجوء كونها آمنه.
كان وقتها حساب الدكتور طالب عدد متابعينه اقل من خمس الاف متابع. قرأت تغريداته وبحثت بقوقل ايضا عن "اللجوء" ثم قررت بعدها اللجوء
لو انا كنت اعرف فكره اللجوء من زمان ، فكان هربت وانا مراهقه .. ما استحملت كل هالعذاب هنا ..
لخروجي من السعوديه مافكرت أعيد التجربه انه ابحث عن شخص سعودي يخرجني من هنا. مااقدر اثق بأحد.. ونفس الوقت ما توقعت انه الآقي طرق أخرى
عشان اقدر استخرج جواز او امور أخرى ، انا من عائله شديده جدا وعندهم واسطات ويشتغلون بالجوازات..
لكن قريبا رح اطلع من هنا، ذهب الكثير و مابقى الا القليل .. اتعلمت انه اهم شي لنجاح هو الصبر والنفس الطويل عشان اقدر افكر بهدوء وأاريحيه ..
الخلاصه
فيه طرق كثيره للخروج من السعوديه. لاتعتمدون على شخص يساعدكم بمقابل او بدون.
فكري فيها شوي، الي يساعدكي ايش وضعه قدام اهله تزوج وحده وهربت! ما راح يرضاها لنفسه
اذا ماعندك حلول ... يوجد أخر الحلول هو "الزواج الحقيقي"
هنا بنت سعوديه اسمها حنان اتزوجت وهربت، وحذفت الفديو بعد تعليقات السعوديين .. بالرغم انها منزله الفديو بالانجليزي وولامريكان.
هنا التعليقات https://www.youtube.com/user/cherrycrushhh/discussion
اتمنى ذكر تجاربكم سواء كانت اجابيه او سلبيه ..
وشكرا لكم
