حكايتى "طبيب لاجئ ببريطانيا"

قصص يرويها اللاجئ عن الأحداث التي مر بها في وطنه أو في مشوار اللجوء

كاتب الموضوع
The Doctor
مشاركات في هذا الموضوع: 1
كسبت: Locked

حكايتى "طبيب لاجئ ببريطانيا"

1#

مشاركة بواسطة The Doctor » منذ 5 سنوات

السلام عليكم ورحمة الله وبركاته
انا دكتور محمد.. طبيب بشري.. بصراحه المنتدى جميل وحبيت اشاركم بتجربتى الفعليه للجوء فى بريطانيا..

واى استفسار او جواب انا تحت امركم وهذا ايميلي.. [email protected]

انا طبيب مصري عمرى 30 سنه.. بدات قصتى باعتقالي فى مصر فى 2014 بسبب الانقلاب اللى حصل فى مصر وتهمتى انى شاركت فى علاج المصابين من فض رابعه بصفتى طبيب.

رغم انى ليس لدى اى ميول سياسيه ولا شي الا انى طبيب واحب مهنتي وفقط.

اعتقلت لمده شهر بعدها خرجت من المعتقل ونصحنى محامى انى لازم اترك مصر فورا واسافر اى بلد اخرى لانى معرض للاعتقال مرة اخرى.

المهم قعدت ادور على عقد عمل لحد ما جيت السعودية بتأشيرة طبيب عام.. واشتغلت بالرياض.

اانا طول فترة من خروجى من المعتقل الى حصولى على تاشيرة العمل (٤اشهر تقريبا) كنت فى رعب تركت شقتى وكنت اتنقل للعيش بين الاهل والاصدقاء خوفا من الاعتقال ثانيا.

ولما كنت فى المطار اتوقفت هناك بردوا من ظابط امن الدولة للمده ساعه ونص كلها اسئلة ورايح فين وليه و... الخ

وكانت هتروح عليا الطياره وقتها لولا ان ربنا قدر وركبت الطائرة قبل معاد اقلاعها ب 5 دقائق.

اول ما طلعت من المطار فى مصر.. ظننت انى حر.. وحلفت انى مش راجع لها تانى ابدا.. وصارت ابغض بلاد الله الى..

المهم نزلت الرياض فى نوفمبر 2014 وباشرت العمل كطبيب عام فى احد مستوصفات الرياض.. واكتشفت ان المستوصف بيتلاعب بملفات المرضي وبيطلع فواتير لكشوفات وهميه لمرضي لم يحضروا اساسا.. دا غير ان بعض الاطباء عشان يرضوا الكفيل لازم يعملوا تارجت عالي وكله على حساب المريض من فحوصات وتحاليل واشعه فى الغالب لا يحتاجها المريض اساسا.

واشياء اخرى كتير.. انا طبعا براعي ربنا فى عملى وعاهدت ربنا انى عمرى ما هعمل كدا او اغش مريض مهما حصل.

الادارة لم يعجبها التارجت بتاعى وانى اقل الاطباء ايرادات وكانى فى مزرعه لازم اكون عبد عشان ارضي الكفيل.

وجالى خطاب انهاء خدمتى بعد سنه عمل معهم لما وجدوا ان مفيش فايده منى وانى جاى بخسارة عليهم.. ومش هتغير.

انا اتصدمت من الخطاب هذا لكن قلت انا لله وانا اليه راجعون وطلبت منهم نقل كفاله لانى مينفعش انزل مصر حاليا.

ويشاء المولى يتوافق لى على نقل الكفاله ووقتها قعدت ابحث عن عمل لاسبوعين الى ان نقلت كفالة على مستوصف فى جده كان اكثر احتراما من الاول.

مكثت فى جده 3 سنوات.. وخلال كل هذه الفترة لم انزل مصر.. ومكنتش باخد اى اجازات.. لغايه ما حبيت انزل اجازة فقلت اتواصل مع المحامى اشوف اخر قضيتي ى ايه..

المحامى قال لى اوعى تنزل مصر والا هتتاخد من المطار للسجن لانى صدر بحقي زورا حكم غيابى بسنتين حبس مع الشغل وغرامه حوالى 50 الف جنيه.

انا كنت مرعوب جدا وكنت مهموم بعد ما سمعت الخبر.. وحسيت انى مش امن لا فى السعودية ولا في مصر.. لانى ممكن اترحل فى اى لحظه واتسلم للقاهرة.

قررت اسافر على اى بلد اوربي واطلب اللجوء..

وكانت وجهتى بريطانيا......

للموضوع بقيه باذن الله عن التاشيرة وسافرت ازاى وايه حصل معايا هنا... الخ.


:relaxed: :relaxed: :relaxed:



الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 17 زائراً