وصلت لبريطانيا اخيرا

قصص يرويها اللاجئ عن الأحداث التي مر بها في وطنه أو في مشوار اللجوء

كاتب الموضوع
Rbrc
مشاركات في هذا الموضوع: 3
مشاركات: 21
اشترك في: منذ 4 سنوات
كسبت: Locked
وزّع لايكات: 3 مرة
تلقّى لايكات: 1 مرة
الجنس:

وصلت لبريطانيا اخيرا

1#

مشاركة بواسطة Rbrc » منذ 4 سنوات

هيللوو.. قصتي بتكون طويله وبتكلم فيها عن كل شيء مريت فيه بالتفصيل
اسفه مره عالسحبه بس صارت لي كثير ظروف ومشاكل بس الحريه عاد تستاهل..

المهم بتكلم عن كل شي بالتفصيل من سفرتي من السعوديه لايطاليا ومن ايطاليا لاستراليا ومن استراليا لاوكرانيا ومن هناك لبريطانيا
عاد اللي فاضي يقرأ..

انا بنت ملحده ليزبيان ولا بعمري سافرت المهم عندي صفحه معروفه بالانسقرام واحتكاكي كله بالاجانب، م اكتب او انزل الا بالانجليزي وعاد تجيني دايم فرص واشياء
من بين الفرص اللي جتني قبل اربع شهور دعوه لحضور مؤتمر عن التصوير الفوتوغرافي بميلان بإيطاليا بما انه اهتمامي
طبعا كلمت الاهل اول شي ورفضوا رفض قاطع، نشبت لهم لين وافقوا بشرط احد من اخواني المتزوجين يطلع معاي وانا طبعا وافقت

عاد الاهل طالعو لي فيزا شنقن من سفاره ايطاليا ونفذو كل الاوراق بس انا بصمت
رحلتي كانت بعد اسبوعين من يوم طلعنا الفيزا حجزنا على ميلان عالخطوط السعوديه ومافيه ترانزيت لبلد اللجوء
كانت خطتي اني اطلع قبل رحلتنا الاصليه يعني احجز تذكره طيران واسافر لايطاليا قبل اخوي ترانزيت بريطانيا بس بعدين اقتنعت والف شكر للدكتور طالب
اني اقدر اطلع من ايطاليا حتي لو كان معي اخوي
والف شكر له مره ثانيه انه نبهني اطلع تأشيره اوكرانيا واستراليا وعاد ضروري طلعوهم احتياط

المهم بحكم ان سفري بعلم اهلي كان سهل ارتب شنطي واغراضي، بيوم السفر طلعنا لمطار الملك خالد والاجراءات مره عاديه بس شافوا التصريح وسوو مطابقه والجو مره كان عادي مع اني كنت متوتره ووجهي ازرق وماقدرت انام وذا كان غلطي الاول اما غلطي الثاني اني بالطياره م اكلت شي وم كان معي اي اكل بشنطتي
المهم بعد ١١ ساعه وصلنا الفندق وكنت مره متوتره خصوصا ان ثلاث ايام وبنرجع السعوديه بعدين والمؤتمر الساعه ٦ مساءا .. اخوي قال لي انه حينام ويرتاح وطلب مني انام بس طبعا م اقدر انام من التوتر .. رتبت اغراضي وحطيت فلوسي واغراضي المهمه بشنطه ظهري وجوالي وفلوس يورو بشنطه يد صغيره. اخذت معي جوال وايباد بس وذا ثالث غلط خذو معاكم جوالين اقل شي.. عاد كل شي جاهز عشان اطلع ومعاي رقم تاكسي يوصلني محطه القطار اللي من هناك بشتري لي تذكره واطلع لالمانيا لين تخلص تأشيرتي نفس ماقال لي الدكتور. كان بس باقي لي اسرق جوازي السفر وهو كان بكيس اخوي (حاطط اوراقنا المهمه بكيس) المهم اخوي فجأه يقوم ويقول لي وش تسوين وانا من الخوف جلست اصيح وفيه الشنطه عظهري فهو جلس يصارخ علي ويسب، فتحت الباب وجلست اصارخ بقوه واركض وهو جلس يضربني بيدخلني بالقوه ، سكيوريتي الفندق شافوه وانا صرخت اقول لهم call the police please السكيوريتي فصلونا ونزلونا الريسبشن وحاولو يكلمونا بشكل ودي بدون شرطه وقتها انا دخلت المندى وطلبت رقم الشرطه.. اخوي كلم ناس واتوقع انه ابوي ولا شي وجلس يتصرف معي بلطف وقال للرسبشن بدون م ادري ان تجيني نوبات هلع هذا سبب اني جلست اصارخ وعاد انا صارخت بزياده واقول لهم اتصلوا بالبوليس بسرعه ويعطوني جوال انا حسبت انه البوليس وتطلع لي امي بالجوال تجمد الدم بعروقي وخلاص قلت بموت وبصير دينا علي ثانيه ووقتها قال لهم قلت لكم كانت نوبه هلع شوفوها تكلم امها. صارخت وقلت لهم لا وانه ضربني وشد شعري وكنت ارجف واصارخ وهذا ازين شي سويته اني سويت ضجه فخلاص الفندق بتخرب سمعته من هالازعاج.. كلمو البوليس وجاء شرطيين اخذونا لمكتب بعيد عن الفندق ١٤ دقيقه تقريبا.. كان فيه مماطله وكأن مالهم خلق واخوي جلس يحاول يحلها وديا معي طلبت من الشرطه يبعدوه عني بس بدون فايده.. سوولنا استجواب وكانت الاسئله بسيطه سأالوني ايش يقربني وايش غرض زيارتي لايطاليا وايش سوا لي وهل فيه شهود عكلامي.. كنت ارجف وابكي وهذا غلط كان لازم اتكلم بقوه نفس م قال لي الدكتور واقول لهم اني فوق ال١٨ ابي جوازي وانا مستقله عنه انا بالغه .. انا غلطت وقلت لهم احموني منه واعطوني جوازي وهم وقتها استغبوا وقالو اصبري يجي ضابط .. بعد ساعه جا ذاك الضابط ورجع سألني نفس الاسئله تقريبا وقلت له السكيوريتي شافوه يضربني. يوم اتصلو بالفندق نكرو وقالو بس سمعنا اصوات. سحبو جوازي منه واخذو جوازه وانتظرنا ساعه وبعدين نادوني واعطوني جوازي بكل سلاسه. قلت لهم انه بيلحقني وطلبت منهم بلطف يعطوني مجال اطلب تاكسي وابتعد وقالو لي عشان تكملين اجراءات البلاغ تعالي بكره ١٠ الصبح ونزلت من المكتب.. جيت بطلب لي تاكسي من الشارع وبطلع بوكي م لقيته وم لقيت جوالي وقتها حسيت الدنيا رجعت تقفلت بوجهي مع اني اخذت جوالي
واحساسي ان اخوي اخذ شنطتي الصغيره يوم كنت م منتبهه وم ادري متى اذا بمكتب البوليس او بالرسبشن لاني من الخوف وبدون اكل دخت كم دقيقه ..
جلست اركض ابغى بس اصير بعيده ركضت اكثر من ساعتين رجولي م حسيت فيهم وبطني جلس يمغصني وكنت بموت ومو معي فلوس كاش الا بالدولار والباوند والبايبال م خطر لي احجز فندق ولا هوستل فيه المهم شريت من ماركت بطاقه نت ب ٤.٥٠ يورو عن طريق البايبال سألته اذا يقبل بايبال وقالو م يتعاملون فيه وخبرته اني مضطره ومن هالكلام فاستعمل حسابه البايبال الشخصي ودفعتله tip زياده بعد وهو دفع كاش.. المهم حطيتها فايبادي وشغلت نت وكلمت صديقتي البريطانيه اللي كانت بتستقبلني حكيت لها القصه وكلشي وكلمت صاحبها يجي هو وعائلته من فلورانس ياخذوني عندهم بين م اضبط اموري .. المهم جلست اضيع وقتي فالشارع لين صارت الساعه ١٢ الا ربع فالليل وصلو وركبت معاهم بالسياره بطريقنا لفلورانس وقتها صدق صدق حسيتني فأمان وماعاد فيه اي خوف

المهم صديقتي وعدتني بتاخذ اوف من شغلها تجي لفلورانس ونسافر انا وهي سوا لبريطانيا ترانزيت وكانت خطتي اطلع لاستراليا ترانزيت بريطانيا معها
المهم خفت من سالفه البصمه والمحامي قال انتظري قبل لا تخلص تأشيرتك بشوي اطلعي لاستراليا المهم العيله الايطاليه كانو لطيفين معاي بس بعدين بدو يسوون لي مشاكل وكلام واي شي يكبرونه ويحسسوني ان وجودي مو مرغوب فيه وفعلا وقتها حسيت بالضعف وابغا اسافر بسرعه المهم يوم كان باقي لفيزتي يوم ونص حجزت تذكره من فلورانس لروما طيران داخلي ومن روما لبيرث استراليا ترانزيت لندن بالدرجه الاولى.. وصلنا لمطار روما قبل ٤ ساعات ونص تقريبا الساعه كانت ١ بالليل .. سوو معاي استجواب عن بقائي بايطاليا كل هالفتره وكان تعاملهم زق وصراخ بوجهي وسأالوني ليش جيتي ايطاليا قلت لهم لاحضر مؤتمر ٣ ايام وليش راحت مني رحلت العوده حقت السعوديه وليه م حضرت المؤتمر .. لان جهه المؤتمر المنظمه جهة حكوميه وخفت اكذب وكانت لحظات مرعبه.. رفضو اسوي تشيك ان وم اعطوني البوردينق وماكان معي عفش غير شنطه ظهري وقالو لي بنسمح لك تكملين لبيرث بشرط تغيرين التذكره وعرضو علي تذكره ثانيه من روما لبيرث عالخطوط الاماراتيه ترانزيت دبي .، سألتهم عن السبب قالو يا اما اوافق او بيعطوني فلوسي صديقتي كلمت محامي قال لها لازم تسافر برا ايطاليا لان لو انتهت صلاحيه تأشيره شنغن العقوبات مره صارمه.. وكانت تأشيره اوكرانيا م طلعت مع ان كان لها ١٣ يوم من يوم قدمت عليها المهم طلعت ترانزيت دبي كان ساعتين ونص تقريبا بس م صار لي اي شي ولا احد كلمني او سألني عن شي مع اني كنت مره خايفه وبعد ٢١ ساعه وصلت للمطار وسوولي استجواب ودققو ع فلوسي اللي معاي وتذكره العوده وحجز الفندق لازم يكون مدفوع بدون استرداد وتعاملهم مره زباله .. جلست ببيرث ووقتها طلعت تأشيره اوكرانيا باليوم ال١٦ وسافرت بسرعه من بيرث لاوكرانيا ترانزيت لندن عالخطوط البريطانيه .. بالمطار ابدا كان مره طبيعي م صار اي تحقيق او اي شي وعند كاونتر الجوازات قلت له I want asylum بكل لطف الموظفه قالت لي ليش وقلت لها كلشي بس م كانت مهتمه واتصلت اتصالين وجاني موظف وقال لي اجي معاه صوروني واخذو بصماتي واعطوني اوراق اعبيها فيها معلوماتي الشخصيه وسبب اللجوء وسألوني كم معي فلوس وقلت لهم بعدين اخذو شنطتي لمكان ثاني وجلسوني بغرفه هاديه وسألوني اذا ابغا اكل وقلت لهم اي واعطيتهم فلوس اشترو لي ساندويتش وجلسو يسولفون معي شوي .. المكان نظيف ومرتب والتعامل مره حلو.. جلست ٣ ايام وبعدين جت صديقتي سوو معها مقابله وقالت لهم اني بعيش معها واخذو عنوانها ومعلوماتها وطلعت

الاجواء مره حلوه بس احس باستغراب اليوم ثاني يوم لي وانا هنا
عاد اي احد هنا بلندن بكون ممنونتكم اذا عادي اتعرف عليكم والتقي فيكم وانضم لقروباتكم انا ساكنه حاليا بشارع اسمه بالمورال مره هادي وحلو بس احس بوحده
اتممننى يكون احد منكم قريب علي
هذي قصتي حاولت اختصر اللي اقدر واي استفسار انا موجوده وطبعا اللي تعرضت له مو شرط تتعرضون له بس خذو احتياطاتكم



صورة العضو الشخصية

admin
Site Admin
مشاركات في هذا الموضوع: 2
مشاركات: 5013
اشترك في: منذ 7 سنوات
كسبت: Locked
المكان: ****
تلقّى لايكات: 784 مرة
الجنس:
اتصال:

Re: وصلت لبريطانيا اخيرا

2#

مشاركة بواسطة admin » منذ 4 سنوات

سعداء بسلامتك.

هناك الكثيرون في بريطانيا، تلتقين معهم بشكل أفضل عبر قروب تلغرام:

https://t.me/wearesaudis



صورة العضو الشخصية

admin
Site Admin
مشاركات في هذا الموضوع: 2
مشاركات: 5013
اشترك في: منذ 7 سنوات
كسبت: Locked
المكان: ****
تلقّى لايكات: 784 مرة
الجنس:
اتصال:

Re: وصلت لبريطانيا اخيرا

3#

مشاركة بواسطة admin » منذ 4 سنوات

الصحفي الإيطالي ظل يسألني عنك يريد أن ينشر قصتك.




Hertha
مشاركات في هذا الموضوع: 1
مشاركات: 22
اشترك في: منذ 4 سنوات
كسبت: Locked
المكان: sfax
Snapchat: mj
BBM: Nn
Whatsapp: 25798030
Telegram: Vv
وزّع لايكات: 1 مرة
اتصال:

Re: وصلت لبريطانيا اخيرا

4#

مشاركة بواسطة Hertha » منذ 4 سنوات

يا ادمين بليز ساعدني في شراء تذكرة بليز




damatefarhe23
مشاركات في هذا الموضوع: 1
مشاركات: 385
اشترك في: منذ 6 سنوات
كسبت: Locked
وزّع لايكات: 255 مرة
تلقّى لايكات: 84 مرة

Re: وصلت لبريطانيا اخيرا

5#

مشاركة بواسطة damatefarhe23 » منذ 4 سنوات

حمد الله على السلامة قلبي نورتي بريطانيا
مبروك عليك الحريه🌹😍




Vesna
مشاركات في هذا الموضوع: 1
مشاركات: 15
اشترك في: منذ 4 سنوات
كسبت: Locked
تلقّى لايكات: 1 مرة
الجنس:

Re: وصلت لبريطانيا اخيرا

6#

مشاركة بواسطة Vesna » منذ 4 سنوات

لا تقولين مكان سكنك 😰، الحمدلله عالسلامه فعلاً




Gold
مشاركات في هذا الموضوع: 1
مشاركات: 8
اشترك في: منذ 4 سنوات
كسبت: Locked
تلقّى لايكات: 2 مرة
الجنس:

Re: وصلت لبريطانيا اخيرا

7#

مشاركة بواسطة Gold » منذ 4 سنوات

الف الحمدالله عالسلامه يا بطله ❤️، بس اذا ما عليك امر ممكن تشرحي لي اكثر عن استراليا و هل رضو تدخلي داخل البلد أو بس في المطار ، و شكرا لمشاركتك لنا قصتك ❤️❤️




كاتب الموضوع
Rbrc
مشاركات في هذا الموضوع: 3
مشاركات: 21
اشترك في: منذ 4 سنوات
كسبت: Locked
وزّع لايكات: 3 مرة
تلقّى لايكات: 1 مرة
الجنس:

Re: وصلت لبريطانيا اخيرا

8#

مشاركة بواسطة Rbrc » منذ 4 سنوات

Gold كتب:
منذ 4 سنوات 
الف الحمدالله عالسلامه يا بطله ❤️، بس اذا ما عليك امر ممكن تشرحي لي اكثر عن استراليا و هل رضو تدخلي داخل البلد أو بس في المطار ، و شكرا لمشاركتك لنا قصتك ❤️❤️
ايوا سمحوا لي، تعاملهم زق فتشو الشنطة وفتحوا ايبادي فتشوه وسألوني ايش جايه اسوي وقلت لهم جايه سياحه فالبلاد اللي احبها كنت بايطاليا وقلت بزور استراليا وحاجزه فندق مدفوع غير مسترد ٥ نجوم وفيه خدمه توصيل من المطار جو واخذوني ووريتهم الفلوس الكاش اللي معاي لازم يكون معاك مبلغ كبير عشان يصدقون وسألوني عن حجز العوده للسعوديه ومره دققوا عليه .. الحجز كان بيرث دبي الرياض عالخطوط الاماراتيه..

فيه فكره قالتها صديقتي كنا بنسويها سريع لو رفضوا ادخل وهي تتفقين مع مكتب سياحه وتحجزين مرشد سياحي ويحطون لك جدول سياحي والاماكن اللي بتزورينها بس انا م احتجت لان المبلغ اللي معي كان كبير




كاتب الموضوع
Rbrc
مشاركات في هذا الموضوع: 3
مشاركات: 21
اشترك في: منذ 4 سنوات
كسبت: Locked
وزّع لايكات: 3 مرة
تلقّى لايكات: 1 مرة
الجنس:

Re: وصلت لبريطانيا اخيرا

9#

مشاركة بواسطة Rbrc » منذ 4 سنوات

Vesna كتب:
منذ 4 سنوات 
لا تقولين مكان سكنك 😰، الحمدلله عالسلامه فعلاً
يروحي شكرا



أضف رد جديد الموضوع السابقالموضوع التالي

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 21 زائراً