لجوئي في ****

قصص يرويها اللاجئ عن الأحداث التي مر بها في وطنه أو في مشوار اللجوء

كاتب الموضوع
Enas
مشاركات في هذا الموضوع: 1
مشاركات: 1
اشترك في: منذ 1 سنة
كسبت: Locked

لجوئي في ****

1#

مشاركة بواسطة Enas » منذ 1 سنة

هاي قايز
انا مره فرحانه لاني بقلكم قصتي و اتمنى والله اني افيدكم قد ما اقدر طبعا انا جوازي يمني بس كان عندي فيزا روسيه لمن وصلت مطار جدة مره ارتبكت لان كان فيه عساكر بكل مكان و شرطة لكم ان تتخيلو كميه الرعب ولمن رحت اقص البوردنق كان باين علي ارتجف بس الموظف تغاضى و كان يحسب ان اول مره اسافر فيها لوحدي ف كان يمزح معاي لمن اخذت البوردينق دخلت غسلت وجهي بموية باردة قلت يمكن يخف الخوف دخلت الجوازات اخذت جوازي ختمت خروج و بعدين التفتيش بعدين دخلت صاله المغادرة لمن جلست لا جوالي موجود و لا البودرينق اكتشفت اني نسيته عند الجوازات قلت خلاص ماراح اسوي اي شي ولا الفت الانتباه ابدا لمن فتح بوابة الصعود قعدت هادية وكلهم كانو يطلعو للباص الى انا جاء الموظف وعطاني جوالي و البوردينق يقول لاتركبوها الطيارة 😂 كان يمزح بس انا خلاص قلبي كان بينفجر بعدين وصلت مصر ماكان فيه شي كلها اجراءات روتينيه وكذا بس في موسكو مره حققو معاي في غرفة مغلقه ومشي الموضوع بس بقلكم لمن طلعت من موسكو ل فرانكفورت-جدة طبعا عطيتها جوازي واقامتي اتصلت الو عندنا بنت جوازها يمني تطلع الطيارة ولا ؟ جاء واحد صور جوازي واقامتي و الفيزا و راح و عطتني البوردينق طبعا انا مره كنت فاقدة الامل بس ما اعرف كيف صار اللي صار اقلعت الطيارة وصلت فرانكفورت تخيلو ماعرف وين اروح ايش اسوي خلاص عقلي موقف و خايفة كنت لانو رحلتي كانت جدة قلي الموظف ان لازم ادخل منطقة الترانزيت بس انا مادخلتها قعدت ف الحمام نص ساعه احاول اشبك انترنت لان شريحتي الروسيه ماتشتغل طلعت كان في كرسي النت عندهم ما يشبك اوتوماتيكي لازم تضغط على الشبكة بعدين يفتح براوزر بعدين تضغط موافق بعدين تم رسلت للدكتور طالب وقتها لان كنت ماعرف اقعد انتظر لين تقلع الطايرة و لا اطلب علطول قلي اطلبي علطول طبعا نزلت عند الجوازات كان في شرطة كثير هناك عطيته ورقه مكتوب فيه ich möchte Asyl اخذ جوازي و اخذ القطعه الباقيه من البوردينق و دخلني داخل قسم الشرطة في المطار نفسو قعدت هناك ١٣ ساعة اخذو جوالي وبعدين دخلوني غرفة و فتشوني تفتيش دقيق بعدين بدا التحقيق ليش وكيف و كل القصه و ليه مانوديك السعوديه كان فيه مترجم بالتلفون كان مدة التحقيق نص ساعه و ١٠ دقايق بريك و زي كذا اللين جت الساعه ١ بالليل كنت خلاص جيعانه وبردانه وابا انام ومره تعبانه خلص التحقيق وكان عنده ملفات كبيره كانت هذي كلها اقوالي ركبت مع الشرطة السيارة ودوني ملجا المطار بعدين قعدت هناك اسبوع اول ماوصلت فتشوني مره ثانيه و سلموهم الملف و بعدين طلعوني الغرفه اعطوني اكل اليوم الثاني نزلت تحقيق بعدين رفعو علي قضيه لاني كسرت فيزا و لاني كذبت شي زي كذا اني رايحة جدة بس طلبت لجوء والى يومكم ذا مدري اش صار عطوني ورقة اتصل عليهم كل ما اتصل مقفل المهم بعدين طبعا كان في الملجا ذا مافي جوال ولا شي حتى مرايا ممنوع كل شي ممنوع بس كان فيه تلفون تشتري الخط ب ٢٠ يورو زي الكود و تقعد تتصل يكون عليه مره زحمة وكل شخص له ٥ دقايق يكلم يعطونا كانو ٣ وجبات ف اليوم من ٧-٩ فطور و من ١١-١ غداء و من ٥-٧ عشاء طبعا كل الكمبات نفس هذا الوقت تقريبا هذا الملجا كان نظيف بس كانت القيود اللي فيه زي السجن وفي كان دكتور يفحص الكل ياخذ عينه دم وتقوله لو عندكم امراض و كذا بعد اسبوع طلعوني من ذاك السجن ودوني على ملجا طبعا معروف هو ازبل كمب بالحياة ملجا استقبال اسمو هيسن لازم يحطونكم هناك طبعا هو عليه زي الاسوار وممنوع تطلعو برا الكمب حرفيا كان زفت بالمعنى الحرفي اول شي انا اسفة لانو قاعده بزيادة اشتكي وكذا بس والله ابا افهمكم كل شي صار الحمامات كانت حاجة في قمة القرف طبعا كانو ماينظفوها ابدا الاكل كان سيء مره كانو يعطونا فطور مرتديلا و خبز و الغداء كان دائما مو كويس و لايناكل كان في زي اللسته بارقام اول ما تدخلو ذاك المكان بيعطوكم رقم ف كل يوم لازم تشيكو اذا رقمكم في اللسته و السوسيال في ذاك المكان لا يقدم ولا ياخر كل الموظفين هناك كان تعاملهم سيء جدا و اصلا يكون تكدس بشكل مو طبيعي و روائح تحسي تبي تستفرغي كان الغرفه مشتركه مع ١٠ كلهم كانو افغان انا اليمنيه الوحيدة نفسيتي حرفيا كانت تعبانه بعد ٩ ايام تقريبا طلع رقمي في اللسته قالو بكرة الصباح الساعه ٥ تكوني عند البوابه صحيت ٥ ودونا على مركز اتوقع تسجيل اللاجئين شي زي كذا اسمعو لازم يكون عندكم ورقة انكم اخذتو اللقاح انا طبعتها قبل اسافر من توكلنا الجواز الصحي مره ضروريه بعدين دخلنا كنا مجموعه اللين الساعه ١٠ دخلني الدكتور و كان فيه مترجم اعفاني من الحجر بعدين دخلت عند وحدة سالتني كم سوال من فين جيتي وكذا قالت بننقلك على ولايه ثانيه لان كل جنسيه لها ولاية مسئووله عنها عطوني التكت و طبعا ماكنت فاهمه حرف وين اروح كيف اروح اول مره في حياتي اصلا ادخل محطه قطارات يعني ولا اعرف كيف كان يحاول يشرحلي في شي اسمه قيلز يكون من تحت المحطه ويكون مكتوب في التكت قيلز كم هذا اللي كنت مو قادره استوعبوا 😭 و + ما عندي جوال كان ولا فلوس ولا شي يعني حتى خرايط ما عندي الانقليزي هو اللي انقذني كنت منهاره مره لانو تخيلو انا وعفشي و ماعرف كيف بوصل شلت هم وصلت سجلني في المكان و بعدين كان زي المخيم المكان و اخذ اوراقي وقلي كلي كان فيه تونه واندومي و توست اخذت اندومي وبعدين نمت في المخيم صحاني الساعه ٥ قلي ترانسفير يعني نقل قمت خلاني انتظر بالكرسي الساعه ١١ نادوني نصيحتي والله بنات واولاد خلو معاكم دفتر او كتاب اتسلو فيه لانو اكتبو ارسمو عشان حتتعبو من الانتظار اعطوني الاوس فايز انو خلاص انا اتثبت في هذي المنطقة و بعدين نقلوني على كمب ثاني الكمب لثاني نفس الاجراءات دكتور فحص ورقة مواصلات و كرت اصفر الكرت هذا تدخلو و تخرجو فيه و تاخذو الاكل فيه يكون فيه زي الباركود و ملابس بيعطوكم غرفة كلها ملابس تاخذو اللي تبو بس نصيحة لا تاخذو جزم من هناك لان تالم الرجل حتى لو شكلها كان حلو الراتب اللي بيعطوكم هو خذو نايك او ايداس لانو بتنكرفو وكرف ومشاوير لازم شي مريح مره المهم الكمب الرابع كان كله امراض و جرب و جدري بالله انتبهو على صحتكم قدر الامكان انا تعبت وماقدرت اتنفس اخذني الاسعاف و دخلت المستشفى و حسبو فيني كورونا حجروني شهر تقريبا في غرفه نت زباله والاكل يوصل اللي غرفتك بعدين جتني جلسه الاستماع الاولى وسويتها اسئله عاديه بعدين ترانسفير على مكان ثاني طبعا بنات لازم يكون عندك صبر والله مو طبيعي يعني اقوى من صبر ايوب لان قسم بالله بيطلع دين امك بس لازم الصبر و التحمل و تاكدو انها فترة و بتعدي وقولي لنفسك انا قوية و بتحمل و صح بعد تاخذو اوس فايز ويثبتوكم خلاص فمكان يمديكم تفتحو حساب بنك انا فتحت اسمو شبرادا بنك sprada bank تدفعو رسوم سنويه ١٢ يورو بس وشهريه ٧ اذا كان عمرك فوق ٢٥ انا دفعت بس ١٢و الحساب تمام وكل شي بس اربطوه بالباي بال لانو مافيه ماستر ولا فيزا لانك مو موظفه ولسه طالبه لجوء و يب الراتب ١٣٢ كل نهايه شهر يسلمونك هو مو من الجوب سنتر من الاندرسامت و خلاص تقريبا عدى انا اللحين باقي لي المحكمة الثانيه و انتظر الرد و بعدين حياتي بتتحسن بس انتظر ينقلوني ع هايم لانو ف الهايم اقدر اطبخ و الراتب حيرتفع يصير ٣٣٠ و لمن تاخذي اقامة يصير ٤٥٠ يب ف الموضوع يبيله صبر و تقريبا نفس الدرج كل شوي تطلعي درجة و اول ما يطلع الرد بالقبول تتحولي على الجوب سنتر يب قايز اتوقع ذا كل شي اسفة اني طولت عليكم مره اتمنى اني افدتكم كونو اقوياء و صبورين و احبكم والله لانو كثيرين يجو يهونو علي و يكتبولي كلام ايجابي 💐💐💐❤️❤️❤️❤️❤️ ويب اخر شي حاولو تشغلو نفسكم باللغه و الرياضة و كونو سوو خطة لحياتكم المستقبليه كيف تبوها تكون انا خلصت A1 سجلت اللحين بدورة و بدرس من نفسي و اعلم نفسي لين ينقبل لجوئي تذكرو ان اللجوء للاقوياء مو سياحة هههه و مره راح تواجهو ايام صعبه و تحسو بالوحدة و بكاء بس صدقوني الشي ذا يستاهل كل التعب
و ترقبوني باليوتيوب قريبا 🤭 كونوا بخير محبتكم إيناس الحارثي



الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 27 زائراً