الجواء داخل مدن كندا بالتفصيل ...!

إجراءات طلب اللجوء إلى كندا

كاتب الموضوع
SA.007
مشاركات في هذا الموضوع: 4
كسبت: Locked

الجواء داخل مدن كندا بالتفصيل ...!

1#

مشاركة بواسطة SA.007 » منذ 5 سنوات

حبيت اطرح الموضوع للفائده للجميع

راح اذكر الخطوات اول ماتنزل من الطياره وتدخل

احد مدن كندا وهي مونتريال وتورنتو وفانكوفر

وتقدم لجوء فيها

اول شي تسويه قبل ماتوصل لكندا انك تحجز في موقع بوكنق

عن فندق لخمس ايام . ولما توصل لكندا تاخذ تاكسي يوديك لفندق

اول يوم حاول انك ترتاح ولا تفكر اتسوي شي

ثاني يوم وعلي طول اشتر رقم جوال يعني طلع شريحه

وحاول انك تبحث عن سكن في موقع kijiji مهم انك تحصل

سكن بسرعه بسبب العنوان للمحكمه

ثالث يوم دور محامي في مجاني وفي بفلوسك

حلو ...و بكذا انت امنت شريحه جوال وسكن ومحامي

خلال الثلاث ايام او اربع ايام الاوله لك في كندا

بعدها تجلس مع المحامي ويملي اوراقك لتقديم الجوء

بعد ماتمليها ترسلها باليد او البريد لمكتب IRCC

من ضمن الاوراق هذي ورقه ابيس اف كلين

تروح لمكتب تقدم اوراقك ويعطونك موعد بعد 14 الي 13 يوم

علي شان يعطونك بطاقه لجوء موقته

لما يجي موعدك تروح لنفس المكتب IRCC

علي شان يسلمونك الاوراق منها بطاقه لاجي وفحص الطبي

وتعلم لغه مجاني ودعم المالي

ونسخه من الاوراق الي انت اعطيتها لهم سابقا

بعد ماتستلم الاوراق كلها تروح علي طول لمكتب في مونتريال

موجود جنب مبني IRCC تدخل وتطلب دعم مالي

يعطونك الدعم خلال اسبوع او اسبوع ونص تقريبا 600 دولار

بعدها تقدم مسوغاتك لمكتب IRB خلال 15 يوم فقط

المسوغات هي عباره عن اوراق موجوده عند المحامي يعطيك

لكي تكتب فيها مسوغاتك بالعربي وهو يترجمها بالنجليزي

بعد ماتخلص توديها قبل 15 يوم لمكتب IRB

بعدها تحجز موعد مع الطبيب علي شان التحليل واصدار ترخيص العمل

عناوين الطبيب و المحامي وكل شي يعطونه لك من اول ما تجي علي موعدك

وتستلم البطاقه الجوء كل شي مجهزينه لك علي شان ماتسال احد

من وين او كيف احجز مع طبيب او كيف اقدم دعم مالي ... الخ

بعدها تدق علي العياده الطبيب تاخذ موعد بعد اسبوع

وتروح لموعد وتفحص اشعه لصدر وتحليل السل والايدز

وتقابل الطبيب وخلاص ويعطيك ورقه مهمه وهي e -medical

هذي الورقه او ماتاخذها تروح عند المحامي علي شان يقدم لك

تصريح العمل عن طريق موقع cic بعدها تنتظر شهر الي شهر وتص

ويصدر لك تصريح العمل تروح لمكتب IRCC تستلم التصريح

بعد ماتستلم التصريح ترجع لمحامي يقدملك علي الوظايف في نفس المرقع

الي هو cic بعد ثلاث ايام الي خمس ايام تنهال عليك الوظائف من كل مكان

وصوب حلو تمام كذا وخلاص تصير تشتغل وتنتظر محاكمتك بعد

18 الي 22 شهر

وافتح حساب في البنك علي شان يحولون لك راتب الشهري فيه

افضل بنك هو RBC

يعطيك بطاقه مستر كارد فيها 1000 دولار

وبطاقه الصراف اول سنه مجاني


اي سوال اي استفسار انا موجود




كاتب الموضوع
nooof
مشاركات في هذا الموضوع: 4
كسبت: Locked

Re: الجواء داخل مدن كندا بالتفصيل ...!

2#

مشاركة بواسطة nooof » منذ 5 سنوات

مشكور علي توضيح الخطوات . صح كلامك ماتفرق التقديم بين المدن
نفس التقديم لكن مع اختلاف الدعم المادي فقط
انا متواجده في فانكوفر واستلم 850 دولار
وفعلا افضل بنك Rbc تقدر تحصل علي قرض
من اول شهر توظيف لك 👍🏻




that girl.
مشاركات في هذا الموضوع: 1
مشاركات: 57
اشترك في: منذ 5 سنوات
كسبت: Locked
تلقّى لايكات: 20 مرة

Re: الجواء داخل مدن كندا بالتفصيل ...!

3#

مشاركة بواسطة that girl. » منذ 5 سنوات

موضوع جميل حبيت ذكرك للتفاصيل
واضح ان كندا سهاله
بالتوفيق وشكرا




كاتب الموضوع
SA.007
مشاركات في هذا الموضوع: 4
كسبت: Locked

Re: الجواء داخل مدن كندا بالتفصيل ...!

4#

مشاركة بواسطة SA.007 » منذ 5 سنوات

nooof كتب:
منذ 5 سنوات 
مشكور علي توضيح الخطوات . صح كلامك ماتفرق التقديم بين المدن
نفس التقديم لكن مع اختلاف الدعم المادي فقط
انا متواجده في فانكوفر واستلم 850 دولار
وفعلا افضل بنك Rbc تقدر تحصل علي قرض
من اول شهر توظيف لك 👍🏻
فانكوفر المعيشه غاليه فيها ويعطون الاجي 850 دولار

لكن مونتريال رخيصه المعيشه فيها يعني الواحد لو يجي

من السعوديه ومعه 15 الي 20 الف ريال حلويين وتكفيه الين يلاقي وظيفه

هنا في مونتريال

حاب اضيف ملاحظه نسيت اقولها جيب معك اربع صور شخصيه

خلفيه بيضه مكشوف الراس مقاس 4 *6 لمكتب IRCC

بيطلبونها منك واذا الواحد نسي وماجاب معه الصور

يقدر يصور هنا في احد الصيدليات

عندهم الصيدليات تصور ماعندهم محلات تصوير




كاتب الموضوع
سعد
مشاركات في هذا الموضوع: 4
كسبت: Locked

Re: الجواء داخل مدن كندا بالتفصيل ...!

5#

مشاركة بواسطة سعد » منذ 5 سنوات

عند سؤال وراسلت اكثر من محامي مجاني وتجاري ولم اجد رد والبعض طلب مني مبالغ عاليه!
سوالي انا رحلت من امريكا الى السعوديه بسبب جلوسي اكثر من ٦٠ يوم بعد التخرج ولا اقدر ارجع لامريكا الا بعد عشر سنوات ، هل لو ذهبت الى كندا وطلبت اللجو سيؤثر الترحيل على طلب اللجوء؟ من المعروف ان كندا وأمريكا يتبدلون المعلومات .. الخ + انا لدي 3Duis قديمه ولدي إثبات اني قمت بجميع الكورسات المطلوبة مني.
اتمنى اللي يعرف محامي يسأله وجاوبني وأي معلومات زياده انا جاهز .. ولكم جزيل الشكر



أضف رد جديد الموضوع السابقالموضوع التالي

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 25 زائراً