كويتيات لاجئات إلى بريطانيا

إجراءات طلب اللجوء إلى بريطانيا

كاتب الموضوع
Kuwaiti2001
مشاركات في هذا الموضوع: 1
مشاركات: 1
اشترك في: منذ 3 سنوات
كسبت: Locked

كويتيات لاجئات إلى بريطانيا

1#

مشاركة بواسطة Kuwaiti2001 » منذ 2 سنوات

مرحباً انا وحده من الكويتيات الهاربات الي انتشرت قصتنا بالكويت نوعاً ما :')، سو حبيت اقولكم القصة والمغامرات الي مرينا فيها عشان نجي بريطانيا ثلاثتنا مع بعض، أعمارنا اثنين ١٩ ووحده ١٨.

بالبداية حابة اوضح ان أخواتكم كلهم قيز >:) وانا محدثتكم الآن ليزبيان وملحده الخطر خطرين يا جماعه،وبنتين بيننا تم التحرش فيهم من قبل أفراد العايله المسلمه يا عل الطبيعة تاخذهم وتفضحهم جميع الكل، نكمل صحيح ان بعض الناس يفكرون ان الكويتيات حياتهم افضل وعندهم حريه والخ، ما اقول انه جذب ولكن ما يمشي على كل بنات الكويت، خصوصاً بنات القبائل الي احنا كنا منهم، في بعض البنات بالكويت لهم الحريه وعايشين عيشه حلوه ولكن معظمهم البنات امورهم جداً صعبه بشكل، انا ما كنت اقدر اسوي شي حرفياً وكان متحكمين فيني شي فضيع وكان خوف ان يعرفون اني قي كل يوم يكبر لان كان يبين شوي شوي، اخوي كان عارف ومسوي نفسه مو عارف، يلا اقولكم شلون طلعنا الآن، كل وحده لها طلعتها :')

انا محدثتكم الملحدة والليزبيان، اولاً كان في شي موقفني غيره ما اقدر اسافر وهو الجواز، كان الجواز ببيت وانا ببيت وكنت ما اقدر اخذه، كانت حرفياً مستحيلة، وكان هذا الشي راح يخليني استسلم اني اروح ولكن فكرت فكرت طلعت بخطتين، يا اني اخليهم يودوني لندن ومناك اسوي اللجوء على طول، يا اني اسافر معاهم مكان واطلع من مناك اسافر على بريطانيا، طبعاً حطيت الاو خطة اساساً لانها أسهل ولاني ما اسافر واجد ف حسيت حيل صعبه علي الخطة الثانية، ويالبيه تطيح بمشكله ثانيه لندن صار فيها تروح مناك تحجز نفسك ١٤ يوم بعدها تطلع برا تحوس فيها، وجو عاد اهلي يعني احنا نروح لندن نحجز نفسنا اسبوعين عشان نطلع اسبوع؟ ياخي تكفون تكفون غير لندن ما اسافر تكفون مافي مجال عادي ننطر انزين عادي نجيب شهاده من مستشفى الكويت ان مسوين فحص وما يحجرونا، يا جماعه ولا شي نفع وقتها تسكرت الدنيا بوجهي حرفياً شسوي ياخي شسوي وانا اقولكم ياها من الاخر كنت راح اشيل نفسي من الأرض ليش اقعد؟ حرفياً ولا شي كان مخليني متمسكه بالحياة غير اني اروح على بريطانيا، شوي خمس دقايق الا يجيني اتصال يلا تركيا تبين ولا؟ قلت اي على طول وقت الخطة الثانيه، ويلا نجهز للسفره الحين، من حسن حظي ان السفره يعنني تسوق وجذي وتغيير جو ف خذيت جنطة كبييييره، طبعاً ما خليت شي ما حطيته جبت صيفي وشتوي سالوني عاد ليش شدعوه عليج قلت يعني مادري اذا برد ولا حر وطوفولي المهم بضيف نقطة قبل السفره بأسبوع رفيجتي قررت انها تروح بريطانيا قبلنا لان كانت فرصتها الوحيدة ف اخذتها وراحت، راحت تركيا قعدت يومين ع اساس الفيزا لازم تسوونها قبل السفره ب ٤٨ ساعه ف عشان جذي، المهم راحت ولا تشوفون عاد قلبي طايح لان الاخت ساكنه وراي اهلها يعرفون اهلي وانا قلت خلاص راح اموت يجون يشيلوني الحين أو يخربون السفره علي وما اروح بيقولون لا تسافرون بنتكم بتنحاش، المهم طبعاً ماله داعي اقول اهلها اسبوع واهما يكلموني كل يوم ازعجوني وطيحوا قلبي بمكانه، عدا الاسبوع اخيراً وجا وقت السفره ويا جماعه انا عبالي بخاف عبالي بتجيني احاسيس ولكن اختكم ماش فاضيه مافي اي احساس كنت حرفياً بصدمه لا اكل لا انام ولا شي جذي متجمدة، انا خطتي اني اروح تركيا اخر يوم بالسفره استعين بالشرطة اخذ جوازي وجنطتي الي تحولوا لجنطتين، كان خوف ان الشرطه ما توقف معاي حيل كبير لان تركيا ما اعرف عنها بس سمعت انها تساعد ف قلت تساعدني اشوف ولا، المهم طول السفره يا ناس لا اكل ولا انام ولا اوقف تفكير، وانا شخص يؤمن بالإشارات الكون يدزلها لي، ولا تشوفون عاد ما خليت اشاره ما شفتها طول الاسبوع وقلت يلا ها شنو يوقفج خلاص سويها حتى لو كنتي خايفه سويها وانتي خايفه مو مشكله الموضوع مرعب جداً، جا وقت العوده رحنا المطار الساعه تسع ونص الصبح وكانت رحلة العودة للكويت الساعه وحده الظهر، وحجزت رحلتي للندن الساعه ٢ الظهر قريب جداً ف قلت لا أضيع اي وقت اول ما اطب المطار اكلم الشرطه، وصلنا المطار، بمطار تركيا في برا شرطه يفتشون قبل لا تدشون كان مطار اسطنبول الجديد، ف خليت نفسي اخر وحده ع اساس اكلمهم براحه واهما يمشون قبل، طلعت فوني حطيت مترجم لأني ما اعرف تركي، قتلهم ان ابي جوازي وابي جناطي وأهلي يرفضون ان يعطوني، على طول وقفوني ودقوا على الشرطه الي داخل المطار خلوهم يجون ياخذوني،وأهلي ردوا على طول جو يأخذوني مصدومين يقولون شفيج شنو فيه تكلمي فيج شي، وانا ساكته وابعد عنهم ولا تشوفين الشرطي الي كان واقف عندي عصب وصارخ عليهم يلا بعدوا ووقف بيني وبينهم وقال لا تكلمونا يا يالبيه انا وقتها قلت امبيه خلاص صارت صارت طبعاً أيدي ترجف التلفون كل شوي يطيح مني :slightly_smiling_face: دخلوني المطار ودخلوا اهلي على طول يا ناس على طوووووول اخذوا جوازي تخيلوا وخذوا جناطي وحطوني بغرفه ويمسكون اهلي ويودونهم عند البوردينق يبون يتأكدون ان يروحون وانا قلت للشرطي بطلع بروح اسوي رحلتي قال لا انطري لازم أتأكد من سلامتج خ نتأكد ان طلعوا للبوردينق بعدها بساعتين جان يطلع معاي الشرطي تخيلوا ساعدني بكل شي! انصدمت انصدمت يساعدني يقول شسوي ويكلمهم لي وسوا رحلتي وكل شي وقالي مكان البوابه وقالت يلا بالسلامة طبعاً يا جماعه انا حاجزه تركيا-لندن-تركيا ع اساس ما يشكون يعني عاد اهوا عرف على طول اني بسوي لجوء قال لا تقولين واذا احد سال بتردين بتركيا قولي اي ارد اكمل اجازتي قلت تمام، محد سالني ولا اي احد كلمني طلعت من المطار من أسهل ما يكون حرفياً، رحت عند بوابتي ونطرت بس ساعه، طبعاً الاحاسيس ما جت لي الحين كنت ادق على رفيجتي اقول ويت هذا صح الي قاعد يصير؟ يعني صح راح اركب الطياره؟ كنت حيل خايفه وكنت افكر ان بيصير شي ما يخليني اركب الطياره وابي بسرعه الوقت يمر، ومر فعلاً وركبت! انا كنت منصدمه جداً جذي بالطياره فاتحه عيوني واطالع مصدومه الناس يطالعون شفيها جذي مو صاحيه :') وطبعاً وقت رحلتي ووقت كل الي قاع يصير احب اقولكم عن صديقتنا الثالثة طلعت من كويت-تركيا-لندن-تركيا حجزت تركيا بدون عوده بس لندن الي عوده ع اساس اذا سالوا ولا شي، اهيا كنا مفروض نطلع مع بعض بتركيا نفس الوقت بس ما حصل ما قدرنا، رحلتها من كويت إلى تركيا كانت تسعه الصبح وصلت ١٢ يعني لما كنت اتعامل مع الشرطة كانت الحبيبه بالطياره جايه تركيا صديقتي القوية تخيلوا ان اول مره تطير! يعني اول طياره لها، حرفياً شجاعه بشكل، المهم طيارتها من تركيا إلى لندن كانت سبع المغرب، نطرت بالمطار جم ساعه بعدها وصلت لندن.

الحين عاد الوصول إلى لندن!
رفيجتي الأولى وصلت قبلنا بأسبوع وقالت لنا شنو نسوي، المهم وصلت لندن الساعه ٥ المغرب شي جذي، طبعاً لا تشوفون الزحمه فظيعه مطار هيثرو، قعدت ساعتين بس انطر دور عند UK border وأول ما جا دوري طلعت فوني ووريت نوته اني ابي لجوء بعدها اخذ معلوماتي وقال على اساس شنو قتلها اني ليزبيان وبعدها في كراسي قعدني عليهم لين يجي دوري لان كان زحمه بشكل فضيييييع، المهم جا وقتي الشرطه جت خذتني اثنين وودوني اخذ جناطي وفتشوهم وجذي، بعدها صوروني وأخذوا بصماتي، من مناك ودوني على مكان اسمه care and custody طبعاً اهوا جنه سجن بس لطيف لا اضحك عليكم حلو المكان بس يأخذوني الفون والاغراض وتقعدين تنطرين لين يودونج على فندق، انا دشيت يمكن الساعه تسع او عشر بالليل، بعدها قالولي تبين تدقين؟ دقيت على رفيجتي اشوف وصلت لندن ولا ووصلت وانا بطير من الوناسه شوي الا ساعتين الا تجي عندنا طبعاً اهوا حجز في ناس ينطرون معاكم طبعاً كونا صداقات والناس حيل لطيفييييين ياخي فعلاً حياه حياه تعطين وتاخذين حيل شعور لطيف طبعاً بحالتي انا قابلت حب حياتي كانت قصة حب سريعه بس مو مشكله هذي الدنيا :upside_down_face: المهم طبعاً ما يحتاج اقولكم عن معاملتهم تهبللللللل حييييييل يا ناس يجننون كنت لابسه انا بلوفر عليه باندا عاد في شرطي كل شوي يناديني كونفو باندا يونس ياخي وطبعاً متى ما تبين تاكلين متى ما تبين قهوه متى ما تبين اي شي كل شي موجود، وكانوا اكسترا لطيفين لان بالنسبة لهم انا صغيره بس انا عمري ١٩ عموماً طولت وانا انطر حيل لان كان زحمه بس عادي كنت مرتاحه ومستانسه، نطرت يوم ونص انا ورفيجتي، ومن حسن حظنا طلعنا مع بعض لان اول شي ما كانوا يدرون اننا رفيجات ف رحنا مع بعض بنفس السيارة وحطونا بنفس الفندق بعدين قالوا ان مافي الا غرفه وحده مشتركه تبون ولا؟ يعنني احنا ما نعرف بعض سوينا نفسنا يعنني مترددين بعدين قلت شنسوي بعد اتس اوكي راح اخذها ويالبييييييه نجي الغرفة واحنا مصدومين ونصارخ يعني فعلاً هذا الشي صار؟ احنا فعلاً بلندن؟ شلووووون شلون ماني فاهمه، لي الحين مو مستوعبه صارلي اسبوعين هني ومعاملتهم لطيفه وبسرعه يردون علي انا طلبت منهم ان ينقلوننا انا ورفيجتي برا لندن لان اهلي يدرون اني بلندن ف نقلوني والحين امورنا تمام وتواصلنا مع محامي ومن احسن ما يكون.

بالأخير حابه اضيف أتمنى من جميع المثليين والملحدين والناس الي يتعرضون للإساءة، لا تستسلمون ابداً لا تعطون احد القوه انه يسيطر عليكم ابداً جهزوا خططكم وامشوا عليهم واذا كنت خايفين مو مشكله ابداً سووها وأنتم خايفين اهم شي لا تخلون احد يفرض عليكم شلون تعيشون حياتكم ويقولكم شنو مفروض تحسون فيه! ابداً ابداً اطلعوا من الشرق الأوسط بكبره لا تقعدون بمكان ما يتقبلكم وينتقص منكم بسبب اختلافكم وبسبب أنكم شايلين تفكير مختلف عنهم، أتمنى للجميع الحرية قريباً والسلام بالأخير أسفه على اي خطأ بس مستعجله وانا كنت لازم قاع اجهز اغراضي، تقدرون تباركون لنا بالحرية، وقريباً نبارك للباقي، السلام للجميع ويوم لطيف.

شكراً للدكتور طالب لان كان واقف معانا ونشر قضيتنا وساعدنا حيل شكراً طالب ما راح ننسى مساعدتكم لنا، ممتنين لك ولهذا الموقع الي ساعدني اني اعرف الإجراءات، شكراً.



الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 30 زائراً