صفحة 1 من 1

اسـتـفـسـار عـاجـل .

مرسل: 13/10/2018 8:43 pm
بواسطة Coconutboy
السلام عليكم،


انا بطلع **** اقدم لجوء لكن قبل ما اسوي الخطوة هذي ابغى اعرف اذا شروط اللحوء تنطبق علي او لا ، لاني ما ابغى امشي على عماها وابغى اعرف كل شيء


انا سعودي مثلي الجنس و عايش حياتي بدون ما اقابل ناس مثليين في الواقع ، لاني خايف أُعتقل سواء في الشارع او حتى في مواقع التواصل الاجتماعي اذا راسلت احد يعني خايف احد يسوي لي فخ وانمسك او يكون احد يتجسس علي لان في السعودية صار التجسس على المواطنين شيء عادي ، انا اعاني من اكتئاب وسئمت من الحياة هنا لاني ابغى اعيش بعلانية بدون خوف مستمر ، انا مّسجل في gay app من سنه تقريباً و اتواصل فقط مع الاجانب وعندي اصحاب اوروبيين اكلمهم سكايب على الكام فقط وبنفس الوقت ماني مرتاح وخايف انمسك، يعني بالمختصر انا عايش في السر و مو راضي تماماً لاني اعاني نفسياً بشكل فظيع.

الأدلة المتوفرة اللي تثبت مثليتي هي :

انا مسجل في تطبيق للمثلين + عندي اصحاب اوروبيين مثليين في سكايب + عندي حبيبي السابق اللي زرته في **** + اقدر اقول قصتي كيف اكتشفت اني مثلي .

انا باخذ اجازة من العمل لكن مايدرون اني بهرب واهلي كذالك مايدرون ، العمل يعرفون اني بروح **** لمدة ١٠ ايام واللجوء راح ياخذ اكثر من ١٠ اكيد ، وبكذا اهلي + العمل راح يتواصلون معي ويسألون وينك وبكذا والا كذا راح يدرون في النهاية اني هربت وقدمت لجوء ، وانا مستعد اقولهم اني مثلي اذا هذا راح يوري مكتب اللجوء اني في خطر اذا رجعت السعودية لان العمل + الاهل راح يحققون معي اذا رجعت ويمكن يكونوا بلغوا الشرطة من قبل وخصوصاً العمل لاني موقع عقد معهم لغاية 2021 والعقد يقول اذا طلعت من الشركة لازم ادفع ١٢،١٥٠ ريال كشرط جزائي وانا بهرب قريب .

انا هنا لخصت حالتي بشكل كبير جداً ، وابغى اعرف هل استحق اللجوء قسم بالله تعبت نفسياً ؟، هل من الكلام اللي قلته فوق يدل اني في خطر واني مظطهد ؟ وهل وارد يتم رفض طلب لجوئي ويكون السبب اني استطيع العيش بالسر وتجنب الخطر ؟ البعض يقول مو شرط تكون مثلي او لا المهم لازم تكون في خطر !! خطر زي ايش ؟؟ مع ان عقوبة المثليين في السعودية هي " الإعدام " . الحين لازم تكون مثلي او لازم تكون في خطر ؟

Re: اسـتـفـسـار عـاجـل .

مرسل: 13/10/2018 9:39 pm
بواسطة admin