في هذا الثريد ح تكلم عن الاقامة:
١) تعودي تقللي اغراض قد ماتقدرين.
٢) اقرأي وابحثي عن storage رخيصه واحتفظي بالمعلومات بnotebook شخصي.
٣) دوري في مواقع للروميتات على غرفه، ابعدي عن الشقق لحالك واستديو لعدة اسباب : أ) تتعرفي على ناس جدد اجانب ب) تمارسي لغتك ج) اهل البلد خبره
4) عادة تجيك مفروشه بالكامل وهذا بيوفر عليك فلوس الاثاث وفلوس انك بعدين تشيلين او تحملينه معك او حتى تضطري تبيعيه برخيص.
5) تستاجري غرفه في بيت احد ارخص بكثير قد تجدي $٤٠٠ شامله كل شئ اغراض مطبخ طبعا ح تستخدمي تبعهم، فوفرتي فلوس اغراض المطبخ.. كمان تستأجري غرفه عادة مافي ديبوزت غير كذا نظام الشهر بالشهر يعني في عقد يحميك بس هذا العقد كمان يوضح انك اذا دفعتي تقعدي مادفعتي تطلعين.. بدون اي رسوم اضافيه او شروط. ادفعي تقعدي غيره برا. كمان حلوه لو حصلتي عمل بولاية اخرى سهل انك تنقلي بدون مشاكل او رسوم!
٣)حاولي تكوني جاهزه نفسيا وكل شي انك ممكن تنقلي بأي لحظه لانك حصلتي على وظايف افضل في منطقه ابعد.. وجود سياره جداً مهم مرررره فجمعي لها..
٤) اذا ما عجبتك وظيفتك لا تستسلمي وتطلعين العرق العربي (كل شئ على الله) كملي شغلك على اكمل وجه وفي نفس الوقت دوري على وظيفة افضل وتناسبك..
٥) مو عيب تتعرفي على زملائك ويعجبك مديرك وبعدين تتركيهم وتروحين وظيفه افضل لك. هذه دلالة انك انسانه حريصه مو خاينه ابدا لوول (نو دراما)
٦) صاحبي ناس تفز لك اذا احتاجتيهم وعامليهم بالمثل تماما، لانكم عن جد محتاجين بعض و وقفوا انانيه وكونوا ظهرر لبعض (شعور جميل على فكره)
٧)اذا سكنتي مع عايله خليك رسميه مره معهم ودايم اعطيهم شعور اللي(اهلي يدعموني ماديا،حكومتي تصرف علي وبالخدمه وانا موظفه ايضا)اعطيهم امان مالي.. ادري كله كذب، بس عشان لا تنطردين. ابعدي عن الدراما معهم. ابكي مع نفسك ولحالك واسرارك واصدقائك لنفسك. (السكن مع عايله جميل بس امسكي لسانك)..اعطيهم الشعور(الكذبي)اللي انا مستقره ماليا (ذكاء) وفي نفس الوقت ابحثي عن مصادر مالية اخرى في اي مكان عشان لا توصلين لمرحلة فعلا ماعندك فلوس.. ادري والله ماعندي احد يدعمني ولا بهلله بس تخيلي شكلي اقول ل landlord انا مهاجره واهلي تبرأو مني والحكومه لو تدري عني تذبحني
بتطردني!٨) لا تسكنين مع عربيات ابدا ابدا قولي عني عنصريه او وات افر بس العربيات ممكن يتخلون عنك اي لحظة وماعندهم حس مسئوولية بدمهم، خاينات الثقة!!
٩) ماعمري سمعت وحده عربيه سكنت مع عربيه ما سلمت من مشاكل في الديبوزت في العقد في الباركينق عندهم عداوة لبعض ويتلذذون بهالشئ مررررررررررره..
١٠) اذا سكنتي مع رومايتز رجال،حاولي تحطي حدود وارسميها زين وبخط عريض لهم،احسن ميزه فيهم انه مستحيل يطلبون منك فلوس لتصليح شئ او للبيت..
الاجانب عندهم غرفتك مساحتك فلا تعودينهم يدخلون غرفتك وحاولي تتجمعون بالصاله او المطبخ. الرجل الاجنبي ماراح يتعدى الحدود الا اذا سمحتي له..
١١) تعودي تدفعي بشيكات تقريبا ٤٥ شيك ب $١١دولار. ادفعي في الوقت دايما وابدا ولا تتأخري دقيقه عشان landlord تنبسط منك وممكن تساعدك باشياء اخرى..
١٢)سكنك خاص فيك لا تتعودي تجيبي اصدقائك بالبيت،لان الاجانب يعتبرون بيوتهم اماكن للراحة والهدوء. احتفظي بعنوانك لنفسك عشان نو مشاكل بالمستقبل..
١٣) جوالك، لابتوبك، محفظتك ومفاتيحك لا تعطينهم مخلوق ابدا ولا حتى لثانيه، حتى لو تبغين تروحين الحمام خذي قشك كله معك للحمام.
١٤) دايما لما تسافري حطي بشنطتك بدلة رسميه، فستان (وملحقاته) دايما هالشيئين معك بشنطتك وين ماتروحين وطبعا ملابس البحر..
١٥) اذا حصل واشتريتي سياره وكان عمرك اقل من ٢٥ حاول تدوري احد قريب منك وتثقين فيه كبير بالسن(مو مره) مثل ابوك ودخليه معك ب insurance policy.. خليه هو الهولدر للتأمين تبع السياره لان ذا ح يخفض عليك كثير وح تدفعي الاثنين اقل من انت لحالك (اذا قدرتي طبعا وحابه توفري فلوس).. لما توصلين ٢٥ سنه طلعيه خلاص.. قبل ما تبدأي مع اي شركة تأمين سيارات اسألي عنها كثير وشوفي هل ممكن اذا اخذت عضوية معهم يقل الدفع مع السنين.. لا تسوقي السيارة بدون تأمين ابدا،كل العرب يقولون سوقي عادي محد درى عنك. ابدا لا تسمعين كلامهم وجددي رخصتك قبل ماتنتهي،تسجيل السياره والتأمين.. اذا ماعندك سياره اسألي صديق(الكل يساعد)ان يعيرك سيارته(تحتاجين صاحب السيارة معك)عشان تعملين اختبار رخصة القيادة،طلعي رخصة حتى لوماعندك سياره.. تحتاجينها ك ID في المطارات، لما تستأجرين سياره، بالمستشفيات حتى بالمطاعم ممكن يسألونك نبغى نشوف ID. وخلي جوازك السعودي(او اذا ماعندك) بالبيت..
١٦)اعملي تأمين برضوا على شقتك او اذا ساكنه مع احدي استفسري وترا مره رخيص،عشان لو تعرض البيت / الشقه لحريق ماتدفعين فلس على شئ(في اشياء اخرى)
Check out Meemee 🗽🌈 (@Maronaje): https ... onaje?s=09
