كنت غالباً انتقدت الأخلاقيات في الدين الأسلامي وخصوصاً اني اعرف النصوص الي يستدلون بها الدواعش للتبرير على جرائمهم.
كنت اكتب في هاشتاق #عقلانيون وهذا الشيء استمر لست شهور تقريباً الين واحد فتح اكاونت جديد بأسم وصورة بنت وجاني في الخاص وهذا كان احد من خوالي عنده ماستر في تخصص بالكمبيوتر طبعاً كلكم راح تسألون شلون عرفني حتى انا ما اعرف لكن اعتقد حصل ذا الشيء لما شبكت على شريحة البيانات له طبعاً انا ما كنت اعرف انه خالي ذاك الوقت كنت احسبه احد المباحث لأن اكاونته فتحه قريب وكلامه كان غريب
، وبعدها بأسبوع ابوي وأمي سوو تمثيلية ان امن الدولة اتصل على ابوي وخبروهم عن حسابي واني سويت خرق لقوانين التجديف ومن ثم راح اليوم الي بعده او مثل بالأصح انه راح لجهاز امن الدولة لأنهم استدعوه بحكم اني قاصر (أي تحت سن 21) لكن انا ما استغربت لأن كيف راح يعرفون عن حسابي الا عن طريق المباحث لأنهم يقدرون يوصلون للIP تبعي بطرق فنية عديدة لكني كنت مخطأ، طبعا بعدها قال هاذي المرة قدرو يمشوك لكن قالوا لي "لو لقيناه يكتب مرة ثانية لا يلوم الا نفسه"
طبعاً قبلها قلت لأبوي: اعملي تصريح سفر عشان اقدر اهرب من المملكة قبل ما يعملون بلاغ رسمي، لكن قالي نشوفك تنسجن وتسلم اهون علينا من ان نشوفك كافر برا!
كانت ذيك الفترة كانت نفسيتي متدمرة، وعندي قلق من وش ممكن يسوون اهلي ، وهل راح تتوسع دائرة الأشخاص الي يعرفون بموضوع الحادي؟ كل ثانية كنت اقعدها في السعودية كانت تمثل خطر علي.
تعامل اهلي بخصوص موضوع الحادي كان سيء جداً يعني لازم كل يوم يعملون محاضرة وقصص عن ناس اسلموا ...الخ الا بالغصب صير مسلم يا كلب، طبعاً انا كنت اقلل كثير التصادم معهم عشان ما كنت اعرف وش ممكن يسوون.
ذيك الفترة ظنوا اني يا مسحور، أو معيون، أو محسود فكانوا يجيبون راقين حتى يعملوا رقية ويجيبون معهم زيت مقري عليه وموية مقري عليها
قد جابوا ثلاث قراء كلهم قالوا ما عنده شيء
اعتقد هذا الموضوع الي خلاهم ما يرفعون اي بلاغ ضدي خلال السنتين الي هو غبائهم.
الين ما مثلت عليهم اني رجعت للأسلام لأن الوضع كان ما يحتمل كل يوم نفس الموال والمحاضرات وقصة سفيان الثوري ووين اختفت ذيولنا اذا كان اصلنا قرد؟ كان يقول رجع ذيلي من جدنا الأكبر البومبا! لما مثلت بدأت الأمر تزين لكن اكتشفوا الموضوع بعد شهور وهذا لما فتشوا جوالي وسحبوا اجهزتي مني.
طبعاً قدرت استردها لأني احتاجها بخصوص دراستي، لكني ما كنت افكر ابقى في السعودية كنت اعد الأيام حتى اوصل 21 سنة عشان اقدر اسافر بدون تصريح؛ لما عرفوا ان محاضراتهم ما تنفع وانهم ما عندهم حجة.. جابوا دكتور يعطى محاضرات في احد معاهد تعزيز اليقين في الأسلام.
طبعاً جاب الدكتور عبدالله الشهري بحكم انه كان يدرس انتساب مع ابوي شريعة، واعتقد انه يسكن في الجبيل، وخلال الجلسة معاه ماجاب شيء جديد يختلف من الي سبقوه، خصوا انه كان ينسخ حججه من المسيحيين الخلقيين.
https://t.co/Jsj7ZYt8sG
ثم عرض علي الأشتراك في برنامج 'صناعة المحاور' وإنه بيكلمهم عشان اشترك بالمجان، وبرضو قالي تعال لبيتي اذا مهتم بقراءة الكتب العلمية التجارية الخلقيين مثل :
-darwin's black box لمايكل بيهي
- icons of evolution لجونثن ويلز
...الخ
ونصحني بمتابعة هيثم طلعت قاهر الألحاد والملحدين خخخخ
سلكت له الموضوع، وطبعاً اهلي حاولوا يجبروني على الصلاة، ولكن انا ادخل كلامهم من اذن واطلعه من الاذن الثانية.. الين طفشوا من الموضوع وبدوا يحسون انه مافي أمل اني ارجع للإسلام، وفي يوم لقيت ابوي ماسك عمود وضربه على ظهري لكن شردت من البيت يوم كامل وهذا كان قبل هروبي بشهر.
لما رجعت البيت سمعتهم يتكلمون عن احتمالية انهم يرفعون بلاغ ضدي في المحكمة، وكانو يهددوني بذا الشيء عشان ارجع اسلم وحتى لو اسلمت هم ما يبون ابن "كافر" وكنت مستعد في اي لحظة انتحر قبل ما يسوون هالشيء وأنسجن لكن عموما دخلت سن 21 وصار يمديني اسافر لكن المشكلة ماكان عندي الا 10 الاف.
فقررت ان تكون محطتي أمستردام وأجيها ترانزيت لأن التأخير مو في صالحي فحجزت تيكت من الدمام - دبي -امستردام - منسك ذهاب وعودة لكن اخطأت في التوقيت بدال ما اجي الساعة 9 الصبح رحت 9 الليل هههههه
بعدين رحت عند قسم مبيعات التذاكر وقلت لهم السالفة، وقلت ابي رحلة في نفس اليوم على نفس الخطوط KLM ونفس خط الرحلة ثم قالوا هذا فقط للرحلات الداخلية
ثم حجزت اونلاين من البحرين - الكويت - امستردام - مينسك لأني ما لقيت من الدمام في نفس اليوم ورحت ابي اركب ليموزين من الدمام الى البحرين لكن قالوا لي الليموزين ما يقدر يدخل البحرين من الجسر ممنوع.
ثم شافني شخص سعودي اسأل فقال انا اقدر اوصلك بس راح اغير الليموزين وآخذ سيارتي العادية، ورحنا وبدل سيارته وتوجهنا على الجسر هذاك الوقت جوالي كل شوي يعطيني اشعار لرسالة وكل شوي اعطي اهلي عذر جديد انا في المكان الفلاني، وكنت حاط سيارتي عند مواقف المسجد حتى لا يشكون.
وصلت مطار البحرين الدولي على الساعة 10 تقريباً والكاونتر حق خطوط KLM يفتح على الساعة 10:45 وانتظرت هناك حتى يفتح الكاونتر ويجون الموظفين.
ثم جاني اتصال من امي قلت كيف ارد الحين في ازعاج؟ واذا ما رديت خفت يشكون فرديت وقلت لهم اني في كورنيش الفناتير ويمكن اتأخر واجي على 12
ثم لما فتح الكاونتر عطيتهم التفاصيل ورقم التذكرة، واستغربوا كيف انت بس حاجز ذهاب؟ قلت لهم اني حاجز من أول عودة وبخط رحلة ثاني وتذكرة منفصلة قعدت عندهم ربع ساعة تقريباً ثم عطوني البوردنق
كانت رحلتي على الساعة ١:١٥ وكنت انتظر الين جت الساعة 12 تقريباً وصار جوالي بيتفجر من الرسائل والاتصالات لكن سحبت عليهم ما رديت على شيء.
كنت عند البوابة ولما جت الساعة 1:10 وصولي المضيفين والمضيفات واشوفهم كانو يطالعون فيني ويهمسون لبعض بخصوص موضوع يتعلق فيني.
ثم بعد تقريباً جيت بعطيهم البوردنق عشان يمررونه على ماسح الباركود لكن وقفوني قالوا روح عند المضيفة تبي تشيك على شيء وطلبت مني الجواز وكانت تتصل على اشخاص.
قعدت تقريباً 8 دقايق معها حسيت انها ساعتين؛ كنت احسب انهم رفعوا بلاغ ضدي أو انهم شكوا اني بطلب لجوء، وكنت باقي في حالة قلق لأني باقي ما وصلت لبر الأمان لازم نمر الكويت ثم نقعد ساعة في الطيارة ثم نتوجه لأمستردام لكن في النهاية وصلت لأمستردام بسلام وخلصت الحتوتة 🤭.
تنفس الحرية و استغلها بكل انواعها عيش عنا وعنك 
