صارلي ما يقارب الشهر ابحث وبحاول اقولك اللي عندي حسب المعلومات اللي جمعتها :
لكل البنات السعوديات انتو محتاجين اولاً تجديد او اصدار جواز جديد لو ماعندك + تصريح سفر من قبل ولي الامر . هذي الاشياء ماراح تقدرين تسوينها لو ماعندك الرقم السري لحساب ولي امرك في نظام ابشر . اذا قدرتي تطلعين الرقم بقولك الخطوات المهمة اللي راح تحتاجينها بعد كذا . بالنسبة للي مافي امل تعرف الرقم انا فكرت في نقطة انه تسوين استعادة كلمة السر بس شرط يكون معاك الجوال المسجل فيه النظام عشان توصلك رسايل التأكيد وتغيرين الرقم لكن ماعرف عن صحة هذي الفكرة شي ...
المهم قبل ما ابدأ بقول اذا جيتي تسجلين لازم جوال ولي امرك اياً كان سواءً ابوك او اخوك لازم يكون في يدك لان كل الخطوات هذي راح ترسل رسالة للجوال المسجل وتقول أنك سويتي كذا وكذا .. المهم نبدأ :
١- هذي خطوات اصدار جواز او تجديده (ابحثي في اليوتيوب وبتلاقين فيدوهات من الجوازات نفسها لان هنا ماقدر احط روابط)
استلام الجواز مو لازم يكون من ولي الامر عن طريق الجوازات . يمديك انتي تستلمينه من خدمة واصل ويوصلونه لباب البيت لو تبغين . بس صراحة ماعرف كثير عن الخدمة ولازلت قاعده ابحث في الموضوع ، بس عموماً حاولي اذا جيتي تسجلين البيانات تغيرين الرقم اللي بيدقون عليه لحضة استلام الجواز المرسل . ايضاً فيه معلومة مهمة وهى ان جوازك القديم (اذا كنتي قاعدة تجددين) لازم ترسلينه لهم يتأكدون منه انه منتهي وانك مو قاعده تجدديه لان فيه خلل او سويتي شي او سافرتي لمنطق ممنوعة ومحظورة . بأمكانك تسألين حقين البريد اثناء استلامك الجواز الجديد اكيد عندهم معرفة او خلفية في هذا الموضوع
٢- ثانياً هذي خطوات اصدار تصريح سفر من حساب ولي الامر وهى سهلة جداً لكن أأكد لك مرة اخرى لازم الجوال حق ولي الامر يكون في يدك اثناء التسجيل عشان الرسايل؛
(ابحثي عن اصدار تصريح للتابعين في اليوتيوب لاني ماقدر احط روابط)
معلوماتي قابلة للتصحيح لو كانت مغلوطة