اهم شيء بعدين قالي الحقني ووداني لمكان جمب الطابور حق تختيم الجوازات قالي انتظر هنا و تقريبا جلست ساعة انتظر وهو يخلص الاوراق و بعدها جاتني اوفسر قالت الحقني فبصمتني واخذت صورتي و سألتني كم معي فلوس قلت لها ما معي الا 58 ريال تساوي اقل من 10 باوند وبعدين سألتني اذا عندي امتناع من نوع من الاكل، هل بس تاكل اكل حلال، بعدين ودوني الحجز قالو انتظر لين المقابلة انتظرت تقريبا ساعة وبعدين جاتني مره ثانية وسوت معاي المقابلة وهنا بيسألون عن سبب او اسباب لجوئك لو كان عندك اكثر من شيب بالمختصر وهل كان عندك مخالفات مثل مخالفات سير و هل اشتغلت او مستواك العلمي وهل عندك امراض و طريق سيرك يعني هل مريت بدولة ثانية وهل قد مرة قلت او شاركت فيه مظاهرات عنصرية ومن الي يشكل خطر عليك او خايف من مين وهل معك اوراقك الاساسية مثل الهوية و الامور ذي زي كذا اسئلة وفيه اسئلة عامة بس مو متذكرها كلها
وبعدها قالت الحين المدير بيشوف ويقرر نحن بنرجعك الحجز لين يقرر المدير وش يسوي بعد ٧ ساعات يمكن جو وقالو تجهز بتطلع فقلتلهم انه شنطتي ما اخذتها الي شحنتها فرحنا اخذناها وبعدين طلعت من المطار كان فيه واحد ينتظرني ووداني السكن جمب المطار
جلست اربع ايام هناك وبعدين نقلوني السكن الاولي و في السكن الاولي اول ما وصلت بيومين جاتني رساله اروح مقرنت هلب احجز موعد للتقديم على السكن النهائي ( في بعضهم ما جاتهم فلو تأخرت انت روح بنفسك) واعطوني بطاقة الصراف اسبوعيا ينزل 35 باوند
ال 35 باوند لو تصرفها مزبوط تكفيك لاكلك و النت و يبقى معك مبلغ بسيط لو جمعته تقدر تتسلى مثل تروح سينما الخ..
انتظرت تقريبا شهر في السكن الاولي علشان انتقل للسكن النهائي انا تأخرت لاني كتبت ان فيه احد بيدعمني و معي فلوس فرحت اشرح لهم ليه مقدر استعمل الفلوس و ليه الشخص ذا ما يقدر يدعمني
في الفترة ذي يطلبو منكم صور و يعطوكم ورقة فيها عناوين وارقام المحامين، الصور وبطاقة الصراف تختلف فمثلا فيه واحد قال ما جاتني ذي الرسالة و انا طلبو مني ابصم مره ثانية و سألت واحد قال انا ما طلبو مني و بطاقة الايدي انا للحين ما جاتني، يعني لو تأخر شيء عادي يمكن تسويها لين تروح السكن النهائي مثلا انا بطاقة الصراف جاتني من اول اسبوع وهي بالعادة تجي قبل ما تروح السكن النهائي بيوم، على كلامهم ان البطاقة الايدي بتجي اول ما تروح للسكن النهائي بس زي ما قالت هو احيانا تجيك بدري و احيانا تتأخر بس ذا عادي في ورقة تكون معك تقدر تمشي بها
اشكر الاخر هارب من المهلكة ساعدني كثير
ملاحظة:
الي بيشتري شريحة انصحه بشركة Lycamobile لان عندهم باقة لامحدود انترنت ( فيها استخدام عادل بعد ٩ قيقا) ب 20 باوند ( انا ما كنت ادري و اخذ من شركة ثانية و انكبت لان ذا الرقم اعطيتهم اياه فيرسلون لي فيه لو كان عندي موعد في مقرنت هلب)
اتمنى يضبط معاك الانترنت
