اللجوء ألمانيا: قصة فتاة سعودية هربت إلى ألمانيا

[TheFreeBird]

مرحبااا
من قلب الحرية في ألمانيا
زي ما وعدتكم رح احكي تفاصيل هروبي
واذا في شي يحير اسألوني
نبدأ حسب خط الرحلة
لما كنت مسافرة من جدة ع ابو ظبي ما مرينا على التشيك-إن لأن زوجي مسبقاً مسويه اونلاين
ف موظف الجوازات اخذ جواز زوجي ومشى وضعه تمام
لما ااخذ جوازي .. وسوا scan
شويا صار يطل ف الشاشة .. بعدين قال لزوجي عطيني جوازك .. وجلس يدخل معلومات من هنا وهناك
واعتقد انه يحاول يربط انا طالعة مع مين (ولي الأمر) وما إلى ذلك
بعد ما خلص حط ورقة صغيرة نوت ف جوازي بس ماشفتها لان زوجي أخذ جوازي وحاجزه عنده
كملنا ومشينا وكل شي تمام
وصلنا مطار ابو ظبي
المطار راقي
الطيارة كانت مليانة بس ف المطار ماشفنا احد كيف الناس بسرعة اختفو وتوزعو ما ادري
عموما ف مطار ابو ظبي يوجد نظام بصمة
انا كنت منقبة
ف العسكري قال انتي تفضلي هنا (كاونتر جوازات النساء)
وقال لزوجي يروح ناحية ثانية بعيدة
زوجي اعطاني جوازي (اللي حاجزه عنده طول الوقت بشكل مستفز)
العسكري فجأة جاني وقال عطيني جوازك
عطيته .. اخذ جوازي لغرفة مليانة عساكر وجلسو يدخلو معلومات ف جهاز واخذو صورة منه وخلاص كانت 7 دقايق تذبح من التوتر والخوف والقلق وقلت خلاص هذول كاشفيني وعارفين كل شي وعارفين اش بسوي وذحين ينادوا زوجي ويقولوله ترا كذا وكذا وصارت ف مخي افلام ماتخلص
وحتى كان عندي رغبة ف قلبي اني ما اسوي ولا شي ولا اهرب وانتظر فرصة افضل ف حياتي
لما خلصت ال7 دقايق عطوني جواز السفر .. قلت اش فيه؟ قال العسكري لا مافي شي بس تدقيق
قلت اوكيه
وانا ارجججففففففففف من الخوف
رحت كاونتر النساء البنت بس طالعت ف وجهي وختمت الجواز ومشيت
في مطار ابو ظبي يوجد نظام بصمة العين
تسجل بصمة عينك لما تدخل .. شفت كل الناس يسووها بس انا لا لاني منقبة
عموما دخلت ابو ظبي
وجلست يومين
ف يوم الهرب زوجي كان نايم
خرجت من غرفة الفندق بمظهر طبيعي مظهر كائنة حية خالية من السواد وما اخذت معايا شنطة ملابس يدون شنطة صغيييييررررة فيها اغراض مهمة وشنطة اللابتوب وشنطة صغيرة فيها اغراض شخصية جوال وغيره ومانسيت اسرق جواز السفر حقي من شنطة زوجي اللي قاعد يعاملني كأني object
كانت الساعة 5 الفجر (مارح احكي تفاصيل خروجي من غرفة الفندق لأنها كانت درامية لأبعد حد)
ورحلتي 7:45
جريت على اللوبي .. وطلبت تاكسي من التاكسي اللي تنتظر 24 ساعة عند الفندق
وطلعت وقلتله المطار
قال أي تيرمنال ؟ قلتله 3 .. كنت مسبقاً كل شويا اشيك ع الرحلة .. اتوقع مهم تعرفو اي تيرمنال (مبنى) لأن المطارات الكبيرة يفرق معاها تكون بالعادة مكونة من مباني كثيرة ومتباعدة ف مهم تعرفو تفاصيل رحلتكم
حاولت اعمل اونلاين تشيك-إن لكن الموقع كان خايس ورحلتي كانت ع الخطوط البيلاروسية رحلة مباشرة
مسكت طابور طوييييييييييييييييييييييييل عند الكاونترات حقت التشيك-إن
لما وصلت
جوازي كان غير معرف بالنسبة لنظامهم .. ف حصلت تعقيدات والموظفة كل شويا تنادي السوبرفايزر (المشرف) عشان يزبط لها الشي اللي تحاول تسويه بخصوص رحلتي
وانا خلاص التوتر زاد عن حده لأن ما ابغا انتظر كثير عند كل شي الاحساس يتعب المخ
قالتلي الموظفة (هي هندية) انو جوازي قرب يصير اقل من 6 شهور.. لازم يتجدد
المفروض اقولها اوكي واسوي اني مو مهتمة
بس انا سويت شي غلط اللي هوا اني قلتلها ايوا اكيد بعد رحلتي راجعة السعودية عشان اجدده
وهذا جواب غللللطلططط لازم تتصرفو كأن مو هامكم شي ولا تجاوبو زيادة عن اللزوم ولا تعطو معلومات ماحد طالبها منكم ولا تسولفو مع الموظفين بسوالف جانبية او عشوائية لأن ع طول حيعرفو انكم تحاولو تخبو شي
مشينا على طول على كاونترات الجوازات
في مطارات ابو ظبي كاونترات الجوازات كالتالي
مافيها ناس
هي عبارة عن جهاز تحطي فيه جوازك . لما يشوفه معرف ببصمة العين يفتحلك باب
انا ماعندي بصمة عين
ف جوازي غير معرف .. صرت واقفة مدري ايش يبغا ذا الجهاز
جا موظف
قال ماعندك بصمة عين روحي سجليها
هنا توترررتت لان خلاص مابغا اتأخر ف شي
قلتلو وين؟ اشر لي ع المكان
رحت لقيت موظف واحد اماراتي
بصمت عطيته جوازي
شكلي طبعا جدا عادي
تيشيرت وبنطلون وشبشب شويا كشخة بس كنت البسه جوا غرفة الفندق لكن ماكان عندي وقت البس غيره
المهم مظهري عاااددددي كأني قد سافرت عشرات المرات ف حياتي .. وكنت هذا اليوم اهرج انقلش كثير ف لما رحت عنده قال عطيني جوازك yeah .. واعطيتو
قال انتي عربية ! قلت يب
قال هلا والله
ابتسمت .. قال اوقفي مكان العلامة . وطالعي بالجهاز
3 ثواني خلاص تسجلت بصمة العين حقتي ورجعلي جوازي ورحت بسرعة لنفس البوابة حقت الجوازات
حطيت جوازي فتحت البوابة
وقفت وطالعت ف جهاز مشابه .. سوا Eye scan وفتحت البوابة الثانية وخرجت
وكذا صار عندي تسجيل خروج من الامارات
فتشوني ف ثواني
والموضوع حقيقي ف مطار ابو ظبي ما أخذ وقت انا متفاجأة انو كيف الاجراءات كانت سلسة بشكل يبكي
ولا حق الخوف والقلق والتفكير
كان باقي ساعة ف رحت ع جهة المطاعم واشتريت كابتشينو وكروسون واكلت لقمتين حقيقي ماشبعت ولا حاسة بالجوع
اصلا الشهرين اللي قبل هروبي ماكانت آكل ابببدا صرت هيكل عظمي . لان احساس الخوف مستمر ف عروقي يمنعني من كل شي اتمنى ماحد يمر باللي مريت فيه
حطيت الباقي ف شنطتي ونزلت ع البوردنق (البوردنق هو المكان اللي يشوفو تذكرتك ويسمحولك تخرجي وتطلعي الطيارة او الباص اللي يوديك ع الطيارة)
ف البوردنق ماحصلت اي تعقيدات غير انهم قالولي القهوة ممنوع تطلعيها معاك
ف شربت شويا منها وحطيت الباقي عندهم مع ان الكوب كان مليان .. عموما
عند البوردنق دايما من الافضل تسوي نفسك فاهمة ,, تخلي جوازك مفتوح ع صورتك والتذكرة ف الجهة المقابلة تمسكيهم مع بعض وتعطيها للموظف/ة
بس طلعت الباص وتقفلت الأبواب .. كنت ابغا ابتسم ابتسامة الراحة
بس شويا فتحو الباب مرة ثانية والباص ماتحرك وجوا موظفين يدوروا ع شخص
انا صرت اطالع بالجهة الثانية
لما سمعتهم ينادو
اسم الشخص
وسمعت انه مو اسمي .. آآآآآآهههه خلاااعععص متى اوصل الطيارة واضمن اني رح اطير لأن خلااعصص اللي يصير زيادة ع اللي ابغا اتحمله ..
للمعلومية .. اليوم اللي يسبق رحلتي كنت صاحية من بدري .. وطلعت مكانين مشيت فيها كككككثثثثييييررر لين خلااعص لو انا ف يوم عادي كنت برجع وأنام لين عصر اليوم الي بعده
بس جا وقت رحلتي وأنا مواصلة من اليوم اللي قبل
ف حقيقي اعصابي كانت تالفة
خرجت البنت اللي كانو ينادو اسمها
ومشي الباص
ووصلت الطيارة وطلعتها وكانت كلللها حرفياً كلها روسيين
مافي عرب غير امرأة مع بنتها سعوديات
وكانت لابسة عباية بس من غير حجاب
وصلت الطيارة حطيت اغراضي ف الرف ماكان عندي شنطة اشحنها
بس هلكتني شنطتي .. غير حالة الضعف اللي انا فيها
اشيل شنطة ف درج الطيارة لين فوق وارفعها في الرفوف هذي حاجات انا ابدا ما اسويها
بس سويتها
الرحلة كانت 5 ساعات ونص
نمت ؟
لا
ولا دقيقة
لأن الطيارة كانت طيارة الاتحاد
مع ان ف الموقع مكتوب الخطوط البيلاروسية operated by Etihad
وانا ما فهمت انه اوبريتد يعني الطيارة حتكون اماراتية
ف كنت خايفة ف اي وقت يوصل بلاغ عني
ويوقفوني
ومايخلوني انزل ... لأن الطيارة تعتبر جزء من الدولة
ف انا ما نمت ولا دقيقة وحدة
لين وصلت المطار البيلاروسي
مطار مينسك

في مطار مينسك .. اول ما أدخل اشوف مساحة كبيرة وكاونترات لا نهائية من الباسبورت كونترول
انا رحت مباشرة لوحدة منها .. قالتلي الموظفة .. عندك medical Insureance ? قلت لا
قالت لازم تشتريه من هناك
طالعت ولقيت ناس كثيرين عند مكتب .. رحت ع طول .. وقلتلهم اقدر ادفع بالفيزا؟ قالو يب
قالت الموظفة كم مدة بقائك ف بيلاروسيا؟ قلت اسبوع
اخذت من 10 دولار
وعطتني الضمان الطبي (مدري اش ترجمته)
المهم رحت لكاونتر الجوازات
البيلاروسيين معقديين
لما وقفت نظرات الموظفة كانت حادة
وانا ماكنت ادري انها تطالع فيني
قالت look at me
انا تجمدت .. حسيت يمه حتى لو اني مو مسوية شي بتوتر واخاف لأن النظرات مو طبيعية
بس هديت وقلت لنفسي اني مو مسوية شي واني مو مطلوبة امنيا ولا إني مجرمة ف نظر القانون
كان معاها عدسة مكبرة
تشيك على كل ملم ف الجواز وعلى كل ختم
تدقيق خيالي
اخذت 5-10 دقايق
لما ختمت الدخول قلت اففففففففف
وربي مابغت ..
بس عديتها .. صرت خلاص ف الصالة الللي الناس تطلع منها ع الشارع
البيلاروسيين يخي نفس العرق الروسي - مدري لو معلومة جديدة .. بس الواحد مايلقى احد يتكلم انقلش بسهولة
لقيت بنت بيلاروسية قاللتي انتبهي التكاسي نصابين
قلتلها طب لو بروح لين دا الفندق بكم روبل؟ (الروبل عملتهم)
قالت 45 تقريبا
قلت تمام
وطلعت
ووصلني التاكسي لين الفندق ف حولي 24 دقيقة
بيلاروسيا جنة
الخضرة والفنون
البلد كله Artistic
فيه حس فني ف كل مكان
شفت قلعة تشبه قلعة الأميرة النائمة
وشفت قطار بخاري ينقل معرف ايش عربات حقت شي سائل يمكن وقود



للقصة تكملة بس خلاص كذا كفاية اليوم لأن صار عندي حياة وأبغا أطلع أشم هوا لأن الشمس قربت تغرب والجو قرب يبرد

[nono.]

عطتيني أمل أني أحارب ما أستسلم ورجع أحاول مرا ثالثه أتمني تكملي قصتك جد المطار شي يرعب الواحد ما يرتاح قلبه لين نوصل لنفس البلد الي نبيه

[admin]

لأن الطيارة كانت طيارة الاتحاد
مع ان ف الموقع مكتوب الخطوط البيلاروسية operated by Etihad
وانا ما فهمت انه اوبريتد يعني الطيارة حتكون اماراتية
ف كنت خايفة ف اي وقت يوصل بلاغ عني
ويوقفوني
ومايخلوني انزل ...

الشركة المشغلة هي التي لها السلطة على الرحلة بغض النظر عن ملكية الطائرة.

[admin]

لأن الطيارة تعتبر جزء من الدولة

ناقشنا هذا الموضوع سابقا باستفاضة. أغلب خبراء القانون يعتبرون أن القانون الذي يُطبق داخل الطائرة هو قانون البلد الذي تتواجد الطائرة في أجوائه.



لكن يمكن أن تحدث جريمة كأن يقوم موظفو الخطوط باختطاف الراكبة بطريقة ما و إرجاعها للسعودية.

[Skallaabdu]

قريت كل كلمة كتبتيها
تمام عدت بسلاسة.
السفر لخارج أغلب دول شرق أوروبا و الدول الشيوعية السابقة يحسسونك انك مجرمة. خروجي من كرواتيا وصربيا وجورجيا وغيره من الدول دايما نفس الطريقة. يطالعون في جوازك ومعهم مكبر يتاكدون من حبة الخال في المكان الصحيح.
لكن دخولي لهم كان جدا سلس وسهل ههه

[Zmr]

اخيرا انتي قررتي تتزوجي وتتخلي عن زواجك. يعني انتي تزوجتي ولا. والرجل كيف عرف متي وكيف راح تطليقي. وفي المطار ابوظبي ما سالوكي فين ولي امرك بابوظبي. لازم تسافري بسرعه لالمانيا روسيا خطيرة بوتن صديق ابو منشار وممكن زوجك يكون بلغ السفارات يرجعوكي.

[damatefarhe23]

رائعه جداً مبروك عليك الحريه
وننتظر باقي القصه
وبتوفيق حبييتي

[apple]

مرحبااا
من قلب الحرية في ألمانيا
زي ما وعدتكم رح احكي تفاصيل هروبي
واذا في شي يحير اسألوني
نبدأ حسب خط الرحلة
لما كنت مسافرة من جدة ع ابو ظبي ما مرينا على التشيك-إن لأن زوجي مسبقاً مسويه اونلاين
ف موظف الجوازات اخذ جواز زوجي ومشى وضعه تمام
لما ااخذ جوازي .. وسوا scan
شويا صار يطل ف الشاشة .. بعدين قال لزوجي عطيني جوازك .. وجلس يدخل معلومات من هنا وهناك
واعتقد انه يحاول يربط انا طالعة مع مين (ولي الأمر) وما إلى ذلك
بعد ما خلص حط ورقة صغيرة نوت ف جوازي بس ماشفتها لان زوجي أخذ جوازي وحاجزه عنده
كملنا ومشينا وكل شي تمام
وصلنا مطار ابو ظبي
المطار راقي
الطيارة كانت مليانة بس ف المطار ماشفنا احد كيف الناس بسرعة اختفو وتوزعو ما ادري
عموما ف مطار ابو ظبي يوجد نظام بصمة
انا كنت منقبة
ف العسكري قال انتي تفضلي هنا (كاونتر جوازات النساء)
وقال لزوجي يروح ناحية ثانية بعيدة
زوجي اعطاني جوازي (اللي حاجزه عنده طول الوقت بشكل مستفز)
العسكري فجأة جاني وقال عطيني جوازك
عطيته .. اخذ جوازي لغرفة مليانة عساكر وجلسو يدخلو معلومات ف جهاز واخذو صورة منه وخلاص كانت 7 دقايق تذبح من التوتر والخوف والقلق وقلت خلاص هذول كاشفيني وعارفين كل شي وعارفين اش بسوي وذحين ينادوا زوجي ويقولوله ترا كذا وكذا وصارت ف مخي افلام ماتخلص
وحتى كان عندي رغبة ف قلبي اني ما اسوي ولا شي ولا اهرب وانتظر فرصة افضل ف حياتي
لما خلصت ال7 دقايق عطوني جواز السفر .. قلت اش فيه؟ قال العسكري لا مافي شي بس تدقيق
قلت اوكيه
وانا ارجججففففففففف من الخوف
رحت كاونتر النساء البنت بس طالعت ف وجهي وختمت الجواز ومشيت
في مطار ابو ظبي يوجد نظام بصمة العين
تسجل بصمة عينك لما تدخل .. شفت كل الناس يسووها بس انا لا لاني منقبة
عموما دخلت ابو ظبي
وجلست يومين
ف يوم الهرب زوجي كان نايم
خرجت من غرفة الفندق بمظهر طبيعي مظهر كائنة حية خالية من السواد وما اخذت معايا شنطة ملابس يدون شنطة صغيييييررررة فيها اغراض مهمة وشنطة اللابتوب وشنطة صغيرة فيها اغراض شخصية جوال وغيره ومانسيت اسرق جواز السفر حقي من شنطة زوجي اللي قاعد يعاملني كأني object
كانت الساعة 5 الفجر (مارح احكي تفاصيل خروجي من غرفة الفندق لأنها كانت درامية لأبعد حد)
ورحلتي 7:45
جريت على اللوبي .. وطلبت تاكسي من التاكسي اللي تنتظر 24 ساعة عند الفندق
وطلعت وقلتله المطار
قال أي تيرمنال ؟ قلتله 3 .. كنت مسبقاً كل شويا اشيك ع الرحلة .. اتوقع مهم تعرفو اي تيرمنال (مبنى) لأن المطارات الكبيرة يفرق معاها تكون بالعادة مكونة من مباني كثيرة ومتباعدة ف مهم تعرفو تفاصيل رحلتكم
حاولت اعمل اونلاين تشيك-إن لكن الموقع كان خايس ورحلتي كانت ع الخطوط البيلاروسية رحلة مباشرة
مسكت طابور طوييييييييييييييييييييييييل عند الكاونترات حقت التشيك-إن
لما وصلت
جوازي كان غير معرف بالنسبة لنظامهم .. ف حصلت تعقيدات والموظفة كل شويا تنادي السوبرفايزر (المشرف) عشان يزبط لها الشي اللي تحاول تسويه بخصوص رحلتي
وانا خلاص التوتر زاد عن حده لأن ما ابغا انتظر كثير عند كل شي الاحساس يتعب المخ
قالتلي الموظفة (هي هندية) انو جوازي قرب يصير اقل من 6 شهور.. لازم يتجدد
المفروض اقولها اوكي واسوي اني مو مهتمة
بس انا سويت شي غلط اللي هوا اني قلتلها ايوا اكيد بعد رحلتي راجعة السعودية عشان اجدده
وهذا جواب غللللطلططط لازم تتصرفو كأن مو هامكم شي ولا تجاوبو زيادة عن اللزوم ولا تعطو معلومات ماحد طالبها منكم ولا تسولفو مع الموظفين بسوالف جانبية او عشوائية لأن ع طول حيعرفو انكم تحاولو تخبو شي
مشينا على طول على كاونترات الجوازات
في مطارات ابو ظبي كاونترات الجوازات كالتالي
مافيها ناس
هي عبارة عن جهاز تحطي فيه جوازك . لما يشوفه معرف ببصمة العين يفتحلك باب
انا ماعندي بصمة عين
ف جوازي غير معرف .. صرت واقفة مدري ايش يبغا ذا الجهاز
جا موظف
قال ماعندك بصمة عين روحي سجليها
هنا توترررتت لان خلاص مابغا اتأخر ف شي
قلتلو وين؟ اشر لي ع المكان
رحت لقيت موظف واحد اماراتي
بصمت عطيته جوازي
شكلي طبعا جدا عادي
تيشيرت وبنطلون وشبشب شويا كشخة بس كنت البسه جوا غرفة الفندق لكن ماكان عندي وقت البس غيره
المهم مظهري عاااددددي كأني قد سافرت عشرات المرات ف حياتي .. وكنت هذا اليوم اهرج انقلش كثير ف لما رحت عنده قال عطيني جوازك yeah .. واعطيتو
قال انتي عربية ! قلت يب
قال هلا والله
ابتسمت .. قال اوقفي مكان العلامة . وطالعي بالجهاز
3 ثواني خلاص تسجلت بصمة العين حقتي ورجعلي جوازي ورحت بسرعة لنفس البوابة حقت الجوازات
حطيت جوازي فتحت البوابة
وقفت وطالعت ف جهاز مشابه .. سوا Eye scan وفتحت البوابة الثانية وخرجت
وكذا صار عندي تسجيل خروج من الامارات
فتشوني ف ثواني
والموضوع حقيقي ف مطار ابو ظبي ما أخذ وقت انا متفاجأة انو كيف الاجراءات كانت سلسة بشكل يبكي
ولا حق الخوف والقلق والتفكير
كان باقي ساعة ف رحت ع جهة المطاعم واشتريت كابتشينو وكروسون واكلت لقمتين حقيقي ماشبعت ولا حاسة بالجوع
اصلا الشهرين اللي قبل هروبي ماكانت آكل ابببدا صرت هيكل عظمي . لان احساس الخوف مستمر ف عروقي يمنعني من كل شي اتمنى ماحد يمر باللي مريت فيه
حطيت الباقي ف شنطتي ونزلت ع البوردنق (البوردنق هو المكان اللي يشوفو تذكرتك ويسمحولك تخرجي وتطلعي الطيارة او الباص اللي يوديك ع الطيارة)
ف البوردنق ماحصلت اي تعقيدات غير انهم قالولي القهوة ممنوع تطلعيها معاك
ف شربت شويا منها وحطيت الباقي عندهم مع ان الكوب كان مليان .. عموما
عند البوردنق دايما من الافضل تسوي نفسك فاهمة ,, تخلي جوازك مفتوح ع صورتك والتذكرة ف الجهة المقابلة تمسكيهم مع بعض وتعطيها للموظف/ة
بس طلعت الباص وتقفلت الأبواب .. كنت ابغا ابتسم ابتسامة الراحة
بس شويا فتحو الباب مرة ثانية والباص ماتحرك وجوا موظفين يدوروا ع شخص
انا صرت اطالع بالجهة الثانية
لما سمعتهم ينادو
اسم الشخص
وسمعت انه مو اسمي .. آآآآآآهههه خلاااعععص متى اوصل الطيارة واضمن اني رح اطير لأن خلااعصص اللي يصير زيادة ع اللي ابغا اتحمله ..
للمعلومية .. اليوم اللي يسبق رحلتي كنت صاحية من بدري .. وطلعت مكانين مشيت فيها كككككثثثثييييررر لين خلااعص لو انا ف يوم عادي كنت برجع وأنام لين عصر اليوم الي بعده
بس جا وقت رحلتي وأنا مواصلة من اليوم اللي قبل
ف حقيقي اعصابي كانت تالفة
خرجت البنت اللي كانو ينادو اسمها
ومشي الباص
ووصلت الطيارة وطلعتها وكانت كلللها حرفياً كلها روسيين
مافي عرب غير امرأة مع بنتها سعوديات
وكانت لابسة عباية بس من غير حجاب
وصلت الطيارة حطيت اغراضي ف الرف ماكان عندي شنطة اشحنها
بس هلكتني شنطتي .. غير حالة الضعف اللي انا فيها
اشيل شنطة ف درج الطيارة لين فوق وارفعها في الرفوف هذي حاجات انا ابدا ما اسويها
بس سويتها
الرحلة كانت 5 ساعات ونص
نمت ؟
لا
ولا دقيقة
لأن الطيارة كانت طيارة الاتحاد
مع ان ف الموقع مكتوب الخطوط البيلاروسية operated by Etihad
وانا ما فهمت انه اوبريتد يعني الطيارة حتكون اماراتية
ف كنت خايفة ف اي وقت يوصل بلاغ عني
ويوقفوني
ومايخلوني انزل ... لأن الطيارة تعتبر جزء من الدولة
ف انا ما نمت ولا دقيقة وحدة
لين وصلت المطار البيلاروسي
مطار مينسك

في مطار مينسك .. اول ما أدخل اشوف مساحة كبيرة وكاونترات لا نهائية من الباسبورت كونترول
انا رحت مباشرة لوحدة منها .. قالتلي الموظفة .. عندك medical Insureance ? قلت لا
قالت لازم تشتريه من هناك
طالعت ولقيت ناس كثيرين عند مكتب .. رحت ع طول .. وقلتلهم اقدر ادفع بالفيزا؟ قالو يب
قالت الموظفة كم مدة بقائك ف بيلاروسيا؟ قلت اسبوع
اخذت من 10 دولار
وعطتني الضمان الطبي (مدري اش ترجمته)
المهم رحت لكاونتر الجوازات
البيلاروسيين معقديين
لما وقفت نظرات الموظفة كانت حادة
وانا ماكنت ادري انها تطالع فيني
قالت look at me
انا تجمدت .. حسيت يمه حتى لو اني مو مسوية شي بتوتر واخاف لأن النظرات مو طبيعية
بس هديت وقلت لنفسي اني مو مسوية شي واني مو مطلوبة امنيا ولا إني مجرمة ف نظر القانون
كان معاها عدسة مكبرة
تشيك على كل ملم ف الجواز وعلى كل ختم
تدقيق خيالي
اخذت 5-10 دقايق
لما ختمت الدخول قلت اففففففففف
وربي مابغت ..
بس عديتها .. صرت خلاص ف الصالة الللي الناس تطلع منها ع الشارع
البيلاروسيين يخي نفس العرق الروسي - مدري لو معلومة جديدة .. بس الواحد مايلقى احد يتكلم انقلش بسهولة
لقيت بنت بيلاروسية قاللتي انتبهي التكاسي نصابين
قلتلها طب لو بروح لين دا الفندق بكم روبل؟ (الروبل عملتهم)
قالت 45 تقريبا
قلت تمام
وطلعت
ووصلني التاكسي لين الفندق ف حولي 24 دقيقة
بيلاروسيا جنة
الخضرة والفنون
البلد كله Artistic
فيه حس فني ف كل مكان
شفت قلعة تشبه قلعة الأميرة النائمة
وشفت قطار بخاري ينقل معرف ايش عربات حقت شي سائل يمكن وقود



للقصة تكملة بس خلاص كذا كفاية اليوم لأن صار عندي حياة وأبغا أطلع أشم هوا لأن الشمس قربت تغرب والجو قرب يبرد

اتحمست لتكملة جداً، ومبروك عليك الحرية

[Riuv.]

كان خذيتي ترانزيت المانيا بدون تعب وهالقلق كله بس حمدلله ع سلامتك
وصلتي ب امان اتمنى لك حياه حلوه

[TheFreeBird]

رجعت .. طبعا اليوم اخذت كلاسي الأول في اللغة الألمانية و وكيف اقولكم المعلم عمره 57 سنة بس حسيته 37 يخي جينات الشباب ف ذرات الهواء

عموماً .. نكمل
وصلت بيلاروسيا ..
موظفة الجوازات سألتني عن مدة بقائي ف بيلاروسيا قلتلها 5 ايام الى اسبوع
وتعمدت هذا الجواب لأن ماكان عندي تذكرة عودة لسا
طلعت التاكسي وتوجهت ع الفندق .. لما وصلت شغلت جوالي بالشريحة السعودية وكانت دي حركة غبية
لأن بس شغلت شريحتي جاتني رسالة .. مرحبا بك في روسيا البيضاء من موبايلي
هنا جاني رعب مو طبيعي
وكمان جاتني رسالة انه تم اصدار شريحة جديدة لنفس رقمي
وشويا تجيني رسايل من اخويا فيها صورة بلاغ ويقولي حيمسكوني ف المطار
وقت وصلت كانت الساعة تقريبا 12:30 ووصلت الفندق على 1
الظهر
والبلاغ كان من الساعة 11
و انا لسا مو حاجزة ولا رحلة
وبس شفت اللي قاعد يحصل دب الخوف في عروقي ... خصوصا بيلاروسيا يعني السعوديين يجوها ف أي وقت وحسيت اني منجد معرضة للخطر
حتى من قوة التشتيت صرت مو عارفة ب ايش ابدأ
فكيت جهازي وصرت ابحث ف الرحلات
ومو عارفة وين اروح
ابغا هولندا
ابغا بريطانيا
بس ما أددررريي ... ألمانيا كان آخر خيار بالنسبة ليا
ولما جيت ع بيلاروسيا كنت مفكرة اني رح اظل كم يوم قبل ما أحد يبلغ عليا
ماتوقعت انه كل شي رح يحصل ف ساعات معدودة
عشان كذا لقيت نفسي خلاص ماعد فيه وقت اني اتشرط او أدور مكان ع مزاجي
لقيت رحلات كثيرة من مينسك ع السعودية توقف ب فرانكفورت -الشكر لدكتور طالب- لو ماكان يبحثلي ويساعدني حقيقي مخي ماكان منه أي أمل
الإجهاد والتوتر والتشتيت مو طبيعيين الإنسان يصير مايدري ف ايش المفروض يبدأ
اخترت اقرب وقت اقلاع اللي هوا كان 6:25 الصباح .. حجزت الرحلة بس ماجاتني رسالة تأكيد حجز
كانت الساعة تقريبا 4
وصرت من هذا الوقت احاول اتواصل مع الموقع اللي حجزت منه اللي هوا CheapoAir عشان يرسلولي رسالة التأكيد عشان اعمل التشيك ان
لان باقي ع الرحلة اقل من 24 ساعة
حسيت بجوع مو طبيعي
اصلا ما اكلت حتى أكل الطيارة ما قدرت أشتهيه من الخوف والقلق
خرجت لمطعم قريب وطلبت صحن سلطة بالسلمون حقيقي كان لذيذ بس اكتفيت بسرعة وصحني لسا مليااااااااننننننن
ورجعت للفندق ومن القلق عيني ع الشباك ماقدرت اتحرك من قدامه حركة وحدة
المنظر والجو حلوين بس الإنسان مستحيل يستمتع ف هذاك الجو من التوتر
كنت انتظر الساعة 3 تجي بفارغ الصبر
حتى لما كنت اغمض عيني كنت اشوف كوابيس
اشوف زوجي
اشوف الهلوسات اللي كنت اشوفها لما انام جنبه
واصحى على طول
واصير بس اطالع ف الشباك واتمنى الساعة 3 تجي عشان اخرج
وافكر كثير ف البلاغ
من حسن حظي انه ايام السبت والأحد
اجازة الكاثوليكيين .. ف كنت متاكدة ف قلبي انه العمل حيكون بطيء وانه البلاغ ماحيشتغل بسرعة
رسالة تأكيد الحجز جات ع الساعة 12 الليل تقريبا .. وسويت وقتها التشيك ان للرحلتين من مينسك ع فرانكفورت ومن فرانكفورت ع الرياض
دايما حطو ببالكم انه الحجز بنفس اليوم ممكن تصير فيه تعقيدات زي اللي صارت معايا تعذبت
عموما
صارت الساعة 3 وطلعت للمطار الوقت تقريبا فجر
وصلت المطار
جري على التفتيش
عطيتهم جوالي فيه صورة التشيك ان فيها باركود وعطيتهم جوازي وطبعولي تذكرة
حطيت اغراضي ف التفتيش
فتشوني
الشرطي قالي اوبن يور باق
فكيتها مرة بسرعة بدون اي تردد
قال خلاص قفليها
مافتش ولا شي اتوقع بس كان يبغا يقرأ حركات الجسم والاستجابة
شلت شنطتي
ورحت ع الباسبورت كنترول
كان موظف رجل
وسوا نفففسس الشي اللي سوته الموظفة لما دخلت مينسك
تددققيييييقققق بالعدسة كل ملم ف الجواز
حتى بعض الأختام راحو يبحثو عنها
ف النت هوا وزميلته
كان اطول انتظار
يمكن 10 دقايق واقفة اطالع فيهم لان كل شويا يرجعو يطالعو ف ملامحي وانا خلااعععص بليززززز وربي انها انا
بعد ال10 دقايق ختم جوازي وعطاني
رحت مباشرة ع انتظار البوردنق ف مطار مينسك
ف هذيك اللحظة حسيت بالجوع
حسيت اني احتاج اكل
اشتريت صحن نودلز بالدجاج
اساسا ماكنت افكر صبح او ليل فطور او غدا او عشا لأن اليومين اللي فاتت انا ما اكلت شي
وحتى بنطلوني ستريتش ضيق خلاص صار يطيح
جلست واكلت ف انتظار البورندق كان باقي حوالي 45 دقيقة
او اقل او اكثر
بس ف كل الاحوال كنت منتظرة عند اول الصف
بس شفت الناس قامو قمت
وصلت عند الموظفة
قالت اوه
ماعندك فيزا
قلت وت؟
قالت فيزا
قلت ما احتاج انا ماحدخل ألمانيا
رحلتي اساسا ع السعودية
وجيت ابغا اوريها البوردنق الثاني قالت اتز اوكي
ومدري اش سوت وعطتني جوازي ومشيت
اههه لما مشيت
ماحد حيفهم احساس انه ماشي للطيارة اللي حتوصله للنعيم
والراحة
والأمان
طلعت الطيارة ع خطوط لوفتهانزا .. الخطوط الألمانية
اقين الطيارة مافيها اي شخص عربي غيري
كانت الرحلة ساعتين وشي
ماجابو اكل
ولا حاجة
ف قلت حقيقي كان قرار ممتاز اني اكل ف المطار وما اعتمد ع اكل الطيارة
شفت ألمانيا من السماء
غيووووووووم على مد البصر
وشجر
الأرض خضرااااء الغابات ف كل مكان
النعيييم من السماء .. قزاز الطيارة باارررردددد
هبطت الطيارة .. شفت قطرات المطر على القزاز جنبي .. بس خرجت من الطيارة بين ابتسامات الموظفين
ااااهههه ما اقدر اوصف الاحساس
المطر والهوا والحرية والأمان
دخلت المطار ... جلست شويا
ماحد كان يمشي ورايا
مافي عسكري يقولي انتي ع أي بوابة رايحة
ولا وربيني جوازك ولا تذكرتك
مافي عسكري يقول انتي ليش جالسة ع الكراسي هنا اش تنتظري
مافي اي أحد يتدخل فيني
ولا أحد يقولي ليش تتصوري
بالعكس جا عسكري قال شي بالألمانية وانا كنت مسترخية ع الكرسي
قمت ع طول
ضحك
قال اتز اوكي انو اتز قود الاسترخاء جيد وقعد يغني وصار يروح ويجي ويغني
بعد ما ارتحت شويا قمت ومشيت جهة صالة الترانزيت المفترض اني انتظر فيها
شفت عسكري .. ببدلة لونها كحلي وسماوي
رحت عنده وقلت I want Asylum
صوتي كان يرجف والله كنت متوترة ما ادري ليش حتى لما كنت شايفة الشرطي كنت اجلس واخذ نفس وارجع اقوم واحس انو اللحظة اللي بتصير بعد شويا لحظة مصيرية.....
جا مرررة قرب مني وقال اقين ؟
عدتها
قال اوك فولو مي
ومشيت معاه اخذني جهة مكاتب الشرطة حقت المطار
ومن هناك بدأت اجراءات طططوووييييللللة

[TheFreeBird]

عطتيني أمل أني أحارب ما أستسلم ورجع أحاول مرا ثالثه أتمني تكملي قصتك جد المطار شي يرعب الواحد ما يرتاح قلبه لين نوصل لنفس البلد الي نبيه

في هذي الحياة الاستسلام ممنوع ... نحن نحارب ونحاول لين نحصل على كل الحاجات اللي نستحقها

[TheFreeBird]

كان خذيتي ترانزيت المانيا بدون تعب وهالقلق كله بس حمدلله ع سلامتك
وصلتي ب امان اتمنى لك حياه حلوه

كان لازم أطلع من ابو ظبي والوقت حرج والرحلة لمينسك هي الرحلة الوحيدة المناسبة بالنسبة للوقت والاتجاه

[Jeje]

سعيدة بسلامتك و وصولك إلى بلد الحرية بسلام..

اتمنى لك التوفيق في حياتك الجديدة

سؤال:كيف تم إصدار شريحة جديدة لرقمك إذا كان بإسمك الرقم؟

[damatefarhe23]

برافو
فعلا نفس الحريه مو طبيعي
حريه بكل شي
سعيدة جداً لك والي حريتك وقوتك
ننتظر كا العاده البقيه
بتوفيق

[Zmr]

مبروك الحريه. انتي كنتي تموتي بالبطي بين ٤ جدران. الان حياتك رجعت من اول وجديد وانولدتي من جديد. اتمني لكي التوفيق. ارجو ان تكملي ما حدث.

[The_Super]

انتي قوية

انتي في بداية المشوار خليكي واثقة في نفسك دائما، ولا تستسلمي ابدا للإحباط لان راح تقابلين ناس محبطة وكسولة ماتحب تتعلم وناس بس كثير تتكلم عن صعوبة اللغة الألمانية هي لغة جديدة عليكي وتعلمها ليس بالشيء المستحيل واللغة الألمانية مستخدمة في سويسرا والنمسا ولوكسمبورغ و ألمانيا.

مبروك الحرية .. اتمنى لك كل السعادة في بلدك الجديد.

[Alaa28]

جداً مبسوطه لك وحسيت بفرحتك واتمنى اجرب انا كمان حاسه اني فخوره فيك مبروك عالحريه وعقبالي شكراً على مشاركتنا قصتك استفدت كثير

[nono.]

مرتين رحت لمطار ورجعت بسبب ان الكلب اخوي لغي تصريحي وبحاول المره الثالثه اتنني انها تضلط لاني تعبت من الضرب والذل : ( مررا انبسطت انك وصلتي للحريه وجد حسيت بتعبك والخوف لانه جربته اتمني لك حياه سعيده وبعيده عن التعب والعذاب ❤

[Mmasasalimasas]

يارب تضبط بس دايم خذي الحذر بس بسالك في كل مره تكونين حاجزه رحله وتروحين للجوازات يشوفون عندك تصريح؟

[nono.]

يارب تضبط بس دايم خذي الحذر بس بسالك في كل مره تكونين حاجزه رحله وتروحين للجوازات يشوفون عندك تصريح؟

أي مرتين رحت وانا حاجزه ومسويه تصريح من اجي لمطار يطلع تصريحي ملغي لان اخوي الكلب يلغيه من وراي وعشاني بمنطقه بعيده عن المطار اسوي تصريح مني يلغيه مني الكلب ولا ابوي عادي وشايب مايفهم بتصريح

[Mmasasalimasas]

يارب تضبط بس دايم خذي الحذر بس بسالك في كل مره تكونين حاجزه رحله وتروحين للجوازات يشوفون عندك تصريح؟

أي مرتين رحت وانا حاجزه ومسويه تصريح من اجي لمطار يطلع تصريحي ملغي لان اخوي الكلب يلغيه من وراي وعشاني بمنطقه بعيده عن المطار اسوي تصريح مني يلغيه مني الكلب ولا ابوي عادي وشايب مايفهم بتصريح

طيب بحالتك ذي مافكرتي تسوين التصريح قبل سفرتك بيوم وتغيرين رقم ابشر لرقم عذري بس الورطه كيف تتاكدين ان هالرقم محد مستخدمه بابشر قبل

[nono.]

يارب تضبط بس دايم خذي الحذر بس بسالك في كل مره تكونين حاجزه رحله وتروحين للجوازات يشوفون عندك تصريح؟

أي مرتين رحت وانا حاجزه ومسويه تصريح من اجي لمطار يطلع تصريحي ملغي لان اخوي الكلب يلغيه من وراي وعشاني بمنطقه بعيده عن المطار اسوي تصريح مني يلغيه مني الكلب ولا ابوي عادي وشايب مايفهم بتصريح

طيب بحالتك ذي مافكرتي تسوين التصريح قبل سفرتك بيوم وتغيرين رقم ابشر لرقم عذري بس الورطه كيف تتاكدين ان هالرقم محد مستخدمه بابشر قبل

صعبه اسويها قبلها بيوم وهو بمنطقه ثانيه : (

[ALLIS]

حبيبتي الف مبرووووك الحريه واتمنى لك حياه جميله مثلككك ومستقبل جميل وانك تعوضي ايام التعوسيه .

[TheFreeBird]

رجعت... اليوم كان ثاني يوم لي ف الكلاسات ... وحضرتها كلها من 8:45 إلى 12 .. للأسف بكرا وبعده مافي كلاسات لأنها بي من الاثنين للجمعة
حقيقي بدأت اتأقلم مع الحروف الغريبة ومخارجها وكذا احسني دخلت في جو اللغة

المهم ... بكمل

رحت للشرطي وقلت آي وانت اسايلم
قال اقين ؟
وقرب اذنه .. حسيت يعني مدري هما يسووا كذا عشان يتاكدو انو الشخص فعلا يقول ويقصد الشي اللي قالو ؟
قلت آي وانت اسايلم (بصوت اعلى)
قال اوك فولو مي
ومشيته لقسم الشرطة كانت مشية تسكعية حسيت كأنو ف اليوم الواحد يواجه ذي العبارة عشرة مرات
يعني حسيتو مو شي سيريس مو شي شاذ عن المألوف بالنسبة له
دخلت قسم الشرطة وجلست ع كراسي والأبواب كلها مقفلة .. من باب لباب لازم شرطي يحط بطاقته عشان يفتح
ف انا كنت جالسة ع كراسي عند مدخل الشرطة .. وانتظرت هناك دقايق
5 دقايق يمكن
جا شرطي وقال كان يو توك ان انقلش؟
قلت يب
قال قوت .. (قود يعني)
بعدين قال دو يو هاف يور باسبورت؟
قلت يب اكيد
قال بيرفكت
وانا مستغربة من حماسه ليش يقول بيرفكت يعني طبيعي اي انسان حيدخل المطار معاه باسبورت !!
(اكتشفت لاحقا انو المصارية والجزائريين والفلسطينيين والافريقيين والمغاربة يقطعوا ويتلفو ويخفو جوازات السفر حقتهم عشان تختفي احتمالية انه احد يرجعهم لأي بلد)
بس طبعا انا ماكان عندي وقت اضيعه ف إثبات هويتي .... عشان كذا كنت حريصة ع كل شي وحتى مافكرت ولا بأي طريقة اني أتلف جوازي
عطيته جواز السفر
لحسن حظي كان في مترجمة لبنانية موجودة جاتني وقالت تحكي عربي؟ قلت يب
قالت هلأ حيفتشوكي .. حتشلحي تيابك بس ماتخافي اللي حيفتشوك اتنين شرطيات .. قلت اوكي
رحت مع الشرطة .. مشيت يعني سيب شويا طويل لان المكاتب كثيرة وعدد الشرطة كبير , يعني قسم شرطة متكامل ..
راحو فتحو باب .. كذا غرفة صغيرة كل جدرانها سيراميك وفيها سرير . مو سرير يعني كانو سرير بس عليه مرتبة والغرفة فاضية تماما ...
قالو حطي اغراضك عليه
حطيت الشنط حقتي .. شنطة لاب وشنطة ظهر وsuitcase صغيرة
قالو شيلي التيشيرت .. شلت التيشيرت
قالو خلاص البسيه
شيلي البنطلون
شلته
ماسوو شي حقيقي كله بالنظر يمكن لاني نحيفة
وماشلت الملابس الداخلية مع ان للمعلومية
شرطة المطار
لما سألت بقية البنات اللي شفتهم ف الكامبات
خلوهم يفصخو ككككلللل شييييي ومو بس كذا حتى يخلوهم كذا ينحنو ع قدام
لحسن حظي ماصار معايا شي من دا وملابسي الداخلية ماقالو شي عليها ابدا
الشرطية سألتني
لو فكيت الشنطة في شي حيأذي يدي ؟
قلتلها لا
بعدين قلت إلا .... في عندي ادوات اظافر
حسيتها شويا وتضحك من كثر ما اني جادة ف التفكير
جلسو يفتشو كل صغيرة وكبيرة ف شنطتي كل جيب كل انحناءة كل شيييي
جمعو الشواحن والجوالات والسماعات والميموري كاردز وبطاقة الهوية والفلوس والبطاقات البنكية والكاميرات واللابتوب و كل شي الكتروني وكل شي ثمين وكل شي يعبر عن هوية
حطوها ف صندوق
وبدؤوا يجمعو اغراضي مرة ثانية ويرتبوها ف الشنطة انا قلتلهم اتز اوكي انا ارتبها
وقعدت ارتب الاغراض واقفل الشنطة
نادوني عند المترجمة والشرطي
آآآه ....
لما جلست .. بدأت تقولي انه هلأ رح يبدؤوا تحقيق معاك
وانا المترجمة اسمي كذا وكذا
المكتب حق التحقيق يعني كانو الشرطة يجو ويروحو طول الوقت وكان في شرطي يوجه السؤال ليا والمترجمة تترجم وانا اجاوب
وهوا يكتب ف الكمبيوتر
سال عن خط رحلتي والدول الللي مريت فيها بالتواريخ واصلا انا كان عندي التذاكر مارميت شي منها ف كنت اوريهم انه ذي تذكرة الرحلة الفلانية و و وو
مع ذلك كانو يسألوني تفاصيل
مع مين كنتي لما سافرتي كيف وصلتي متى وصلتي اش اول شي سويتيه لما خرجتي من الطيارة كيف كانت اجراءات مطار ابو ظبي كم عمرك تاريخ ميلادك عدد اخوانك واخواتك اش حصل معاك ف السعودية هاربة من مين اش هيا الاسباب الللي دفعتك لطلب اللجوء اش حيحصل لو رجعتي
لما كنت اتكلم عن اسباب لجوئي ماقدرت امسك نفسي
دمووووووووووووووووعععععععععع .... وماكنت ابغا اضيع الوقت اني جالسة ابكي ف كنت اقاوم البكا واكمل كلامي ف صار الكلام مع الدموع والبكا وخلاعص يا االللههههه مسكت نفسي لين هذيك اللحظة ماقدرت .. لأن حقيقي كل شي قلته من قلبي كل الحقائق اللي ماقد سمعتها من نفسي قلتها ولما صرت اسمعها خلاص حسيت كل المشاعر الدفينة طلعت
طبعا لكل انسان حكاية مختلفة انا كان عندي تواصل مع وحدة ألمانية وكان الشي ذا ظاهر ف حكايتي ف سألوني عنها كثير ومن متى تعرفيها واش علاقتكم وهل هي دفعلتك فلوس عشان تجي او هل انتي دفعتيلها .. هل حتتواصلي معاها لاحقا او لا قلتلهم اكيد هي ماي فريند و100% حكلمها ف المستقبل القريب .. كل الاجوبة لااااااااااااااااااااااااازم تجاوبوها بصددددددددق
بصدق تام
سألوني من متى تعرفيها قعدت اعد الشهور واقولهم وحفظت الجواب ف مخي عشان مايسألوني لاحقا واقول شي مختلف لازم تركزوا لان اي اختلاف رح يفقدكم المصداقية وحتحسو منجد باحساس سيء
ما مسكوا اجهزتي
كانو مرة متعاطفين مرة محترمين ماحد فتش شي ما اخذو شي من الفلوس عدوها وكتبو المعلومات ورجعوها ليا
خلال المقابلة كنت ارتجف مع انو مو برد بس كنت بردانة .. الشرطي اللي يكتب كل شويا يسالني "water?" اقوله يب
يروح يجيب
شافوني متجمدة راحو جابو بطانية

طبعاً هنا بقول شي مهم ... في حاجة دقروا عندها
هيا
انو لما وصلت مطار المانيا اتبعت النصيحة حقت د. طالب وارسلت الايميل اللي كان حاطه كوبي بيست وانا مادري اش مكتوب فيه بالضبط
ف كانو يقولو اش دا الايميل
انتي كتبتيه ؟ لا
مين كتبه .. قلتلهم طالب العبدالمحسن .. قالو مين دا واش علاقتك فيه ومعرفته فيك شخصية وليش كتبلك وو و و وو و و
قلتلهم انا بس اتبعت اجراء موجود ف موقع والموقع هوا هذا .. وعطيتهم اسمه
قالو طب ف الايميل مكتوب انو في بنت طلبت لجوء واحنا رجعناها وانك ماتبغينا نرجعك مين هذي البنت تعرفيها واش علاقتك فيها وكيف عرفتي و وو و و و
وانا خلاص من الضغط النفسي والاسئلة الدقيقة حسيت يارب انا اش سويت والله ما ادري عن دا كللله ..
قلتلهم انا ما اعرف محتوى الايميل وانا فكرته اجراء مهم وهذا كل شي وما ادري انه يحكي عن بنت ود. طالب اعرفه من الانترنت وهوا صاحب الموقع اللي انا اتبعت منه الاجراء فقط لاغير وبعد مافكيت الموقع ووريتهم الصفحة اللي فيها الايميل اقتنعو غير كذا كان مستحيل يقتنعو اني صادقة
لما خلصنا جزء من المقابلة قالولي جوعانة ؟ وانا حقيقي ماكنت اكلت غير النودلز ف الصباح الباكر وقبلها يومين ما اكلت
قلت ايوا .. قالو حناخذ من الفلوس اللي عندك ونحولها يورو وحنشرتيلك ونرجع الباقي اوكي ؟
قلت يب اوكي شور
يعني لاحظو احترام الحقوق انهم يقولولك كلل شي حيسووه ... صغيرة وكبيرة قبل ما يسووا
رح الشرطي اشترا 2 ساندويتشات .. انا حسيت دي اول مرة اكل
من مدة طووويييللةة
لما بدأت اكل الشرطي الثاني كان خلاص خلص المقابلة بس لسا جالس يكتب تقارير كثيرة ف الكمبيوتر ف قلتله انو i'd be glad if you took the other sandwich لأنو انا يدوب حخلص واحد
:") قال ثانكيو خليه معاك اكيد حتاكلي لاحقا
المهم يابنات جلست عند الشرطي كذا ما اسوي شي وبالبطانية حوالي 45 دقيقة وخلاص بموت من النوم والارهاق والله الدنيا تلف
شافني كذا اللي مغمضة وكل شويا راسي يطيح قالي تبغي تنامي ؟ قلت يمدي ؟
قال تعالي .. رحنا غرفة نفس اللي كان فيها التفتيش
فاضية وفيها سرير هوا جزء من السيراميك والجدار وعليها مرتبة وانا معايا بطانية
والللللللللللللللللهههههه رميت نفسي ونمتتتتتتتتتتتتتتتتتتت كأن ليا سنتين ماذقت النوم
من الكوابيس والهلوسات اللي اشوفها وانا مع زوجي والرعب اللي عشته وقت الهرب
نمت حوالي ساعة وجو صحوني
عشان البصمات
بدأو ياخذو بصمات اصابعي
4 اصابع مع بعض
بعدين كل اصبح لوحده ابهام سبابة وسطى خنصر بنصر ..... وكان الوضع جاد لين صارو يحاولو ياخدو بصمة اصباعي الصغير والكمبيوتر مايستجيب لأن مرة صغير وصارو الشرطة ميتين ضحك
وخلاص اخذو بصمات ال10 اصابع وبعض البصمات زي ماقلت combination تكون 4 مع بعض
المهم بعدها اخذو وزني وطولي
بقياساتهم
ولقيت نفسي نازلة من الشهر اللي فات 7 كيلو :"""""""")))))))
والله يابنات عذاب التخطيط والهرب يخسف بالإنسان
بعدين اخذو صور
من الأمام صورة
ومن زاوية 45 درجة لليمين صورة وزاوية 45 درجة من اليسار صورة
ومن الجنب اليمين صورة والجنب اليسار صورة
خلصو .. قالولي حننقلك للكامب الثاني بعد سعة تقريبا تقدري تروحي تستريحي
ورحت مرة ثانية بس انسدحت ونمت على طوووووللل

مقدر احسب قد ايش قعدت عند شرطة المطار
يمكن 5 ساعات
او اكثر شويا
قبل ما اخرج من عند الشرطة رجعولي كللللل شييي اخذوه مني باستثناء الجوالات احتفظو فيها
جو وقالولي يلا رايحين الكامب
جا شرطي وشرطية
يا جماعة ماشيين معايا ماعطوني احساس اني مطلوبة امنياً
لا
إحساس حماية
اللي ماشيين حولي عشان يحموني مو عشان احتمالية انو انا رح اهرب او انا رح اسوي شي مو متوقع
قالولي حيجي باص حق نقل الشرطة .. والشرطية فيها ضحك
انو الباص هائل كبير ومافيه غير 3 اشخاص -مدري اش اللي يضحك بس يمكن هيا مو متعودة ع المنظر دا-
مشينا وخرجنا .. طلعت الباص.. الطريق اخذ 6 او 7 دقايق مو بعيد .. وصلت كامب المطار الشرطة تكلمو مع الناس اللي جوا
وقالولي انتظر ف غرفة
جلست
وفي كل مكان اجلس احط راسي ع الجدار بس واغمض عيوني
الاحساس حق التعب اللي تراكم فيك من ايااام واسابيع ... تعب نفسي وجسدي وذحين بدأ يتصاعد ويروح وخلاص تبغا تسترخي بكل الطرق
جات موظفة
قالتلي تعالي
اخذت وزني بالميزان وطولي
جو 2 سيكيورتيز ..
مرة ثانية فتشو شنطتي وطلعو كل صغيرة وكبيرة
كامب المطار مغلق ومحمي كانو سجن للناس اللي متعودين ع الفلة والحرية
ف كانو يخرجو من الشنطة كل شي الكتروني + كل شي فيه زجاج
عطور مرايات ميكب اقلام اي شي حاد اي شي فيه قزاز يشيلوه ويحطوه عندهم
بالاضافة طبعا للجوالات والكاميرات كل شي كل شيييي
وانا خلاص والله مافيني مقاومة ولا ابغا اسأل ليش تشيلو الفاونديشن ولا ليش تشيلو العطر
اخذت نفس الجلسة ورجعت راسي عالجدار واستناهم بس يخلصو
شالو اللابتوب طبعا ورجعولي شنطتي الكبيرة اللي صار وزنها ربع
وشنطة الظهر
ودخلوني الكامب
السيكيورتي مشي معايا لين غرفتي
قال دي غرفتك
1071
قلت اوكي
وعطاني كيس فيه كل شي نظيف منشفة بطانية مخطة مفرش سرير وقارورة مويا .. رتبت سريري
انا اخذ السرير اللي فوق دايما فجأة صارت عادة عندي حتى لو كل الاسرة تحت فاضية اخذ اللي فوق
طلعت ع السرير اههه ي الراحة النفسية
ف غرفتي كان في وحدة سعودية
قالتلي انتي اسمك كذا وكذا؟ قلت يب قالت سعودية ؟
قلت ايوا
قالت ايوا عشان جو يسألو عنك وقالولي اذا انا اعرفك او لا
انا لاحقاً فهمت انه الايميل اللي رسلته وصل لكل فرد ف الشرطة
حسيت اني سويت جلبة وازعاج :"") .......
واحيانا احسني متفشلة انو كل شخص ف الشرطة عارف انو في فلانة اسمها كذا وكذا جات طلبت لجوء اليوم هههههههههههههههه
اعععهههه .... المهم
اول يوم ف كامب المطار
مابغا اتعرف ولا اتكلم مع احد
اتامل المكان حولي
اطل من الشباك
كعادتي
الساحة اللي برا فيها عدد كبير من الناس - او هذا اللي حسيت فيه-
2 مصريين 1 يمني 2 فلسطينيين معرف كم جزائري يمكن 3 ومغربية و و و وو
الجنسيات متعددة
بس مجموعهم مع الأيام صرت احسه قليل وكل يوم يقل العدد لأن يخرجوهم من الكامب لكامبات ثانية او على الترحيل
احساسي اول ما وثلت الكامب
مابغا اطل ف احد مابغا احد يطالع فيني مابغا ابدأ كلام
ولا محادثات ولا علاقات ولا ابغا اقول لاحد اش صار فيني وحاسة نوعا ما بالكره تجاه الماضي والحاضر اللي جيت منهم
كنت اكل من الساندويتش الثاني وانا واقفة اطالع ف الشباك .. دقايق وجات المغربية وكانت بنفس غرفتي
قالت كيفك ومدري شو
تعالي اطلعي برا ومدري ايش
مشيت معاها جلست اسمع سوالف الناس
كلها معضلات كلها آلام ناس جو هرب من التعذيب ناس جو لان ما عندهم وطن ناس يبغو يدخلو المانيا بس عشان يدخلو اوروبا ومن هناك يهربو لأي دولة اوروبية ع مزاجهم
اشكال وانواع من الناس والحكي
ف كامب المطار الفطور كان الساعة 9 الى 10 بعدها المطعم مايقدم اكل
الغدا من 12:30 ل1 بعدها المطعم يقفل
العشا 5:30 وبعدها بنص ساعة يقفل
تفوت وجبتك او تنام عنها
خلاص
اتز اوفر غالبا الا لو كنتي بنت مثلا او عندك انترفيو او مشكلة صحية او قاصر
العشا والفطور تقريبا كانت نفس الشي
خبز ومربى وزبدة .. شريحتين ديك رومي وشريحتين جبنة
الغدا كل يوم مختلف وهوا احسن شي بالنسبة ليا لانه يجي ساخنن
قارورة المويا اللي يعطونا اياها اول مانوصل خلاص تخلص مويتك تبغا مويا جديدة تجيب العلبة القديمة لازم
عشان يبدلوها لك بوحدة جديدة
الشاي والقهوة والسكر والحليب دايما دايما موجودة ف كل وقت تقدر تستمتع بكوب ساخن
السيكيورتيز فريندلي لأبعد درجة ومتفاهمين لأبعد درجة
ف كامب المطار عملولي فحص طبي .. وعطوني تطعيمات انا قلت ابغا التطعيمات لأن سمعت انو في كم شخص ف كامب المطار عندهم سل ولهذا السبب لابسين كمامات
اخذت التطعيمات ف ثالث يوم
ثاني يوم ف المطار عملو معايا انترفيو ثاني وكان مع الشرطة وكانت المقابلة 4 ساعات تقريبا
واليوم اللي بعده اخذت التطعيمات ومرضت حرارتي ارتفعت
واليوم الرابع عملت مقابلة مع الفيدراليين وكانو يسألوني تفاصيل عن حكايتي وكانت المقابلة 6 ساعات
+ ساعة بريك اخذتها لان حرارتي كانت مرتفعة وانا قلتلهم احتاج انزل اكل شي واخذا علاج لأن مو قادرة كل جسمي يوجعني وكل مانخلص فقرة الضابطة تسجل الكلام ف الكمبيوتر باستخدام مايكروفون
هما حاولو ف البداية انو لو انا تعبانة عادي ياجلو المقابلة لين اصير كويسة بس أنا اصريت
لأن خلاص ف اليوم الرابع دا بدأت احس بضيق من كامب المطار وطفشت
مع ان حقيقي الكامب فيه تلفزيون فيه ساحة كبيرة الكامب نظظظظيييف والناس معروفين وماحد يخاف انو شي حينسرق
فيه مكتبة وزي ماقلت ركن القهوة دايما موجود والعاب puzzels وفيه مكتب شخص من الكنيسة
اعطاني بطاقتين حقت التلفون واستخدمتها عشان اسوي كم اتصال .. ومسموح لأي شخص يتصل ف اي وقت عادي
الشخص من مكتب الكنيسة انسان طيب كبير ف السن فيه جوال يسمحلنا نستخدمو للتواصل واذا عندنا شي يحتاج طباعة يسمحلنا نطبع وانا طبعت من عنده البلاغ والتهديدات
وفيه وحدة من مكتب الكنيسة قلتلها انو ماعندي ملابس وطلعت كيس كبير جلست اشوف اش يناسبني منه حسب المقاسات يعني وكانت كلها ملابس نظيفة مو شي حق مشردين يعني زي ماتخيلت
نسيت اقول انه مسموح بالجوالات اللي من غير كاميرا
لان شفت كم شخص عندهم جوالات من غير كاميرا
طيعا دا كله عشان الحماية
الأمن في الكامب بعضهم يتكلمو عربي وبعضهم انقلش والكامب فيه من كل اللغات اللي الانسان يتخيلها
في ناس يتكلمو روسي فرنسي انقلش عربي اردو صيني تركي اوغوري سيريلانكي الماني ايراني كل اللغات كلهااا
هههههههههههههه وصار شي مرة funny
ف مرة من المرات
رجل شيشاني كان يبغا يوصل معلومة للألمانيين
وهوا مايتكلم غير لغته الشياشنية واللغة الروسية
وبالروسية ماحد يفهم عليه غير جزائري يحكي عربي وفرنسي وروسي
والألمان مايفهمو غير انقلش وألماني
ف كنت انا القطعة الناقصة لأن ماحد يحكي انقلش كويس ويفهم عربي غيري
-السعودية الثانية كانت خلاص طلعت الكامب من يومين-
صار الشياشني يتكلم مع الجزائري بالروسي
والجزائري يكلمني بالعربي
وانا اكلم الالمانيين بالانجليزي
ويردو الألمانيين انجليزي واترجم عربي والجزائري يترجم للشيشاني بالروسي
والبقية حولنا ميتين ضحك لان حقيقي صرنا دائرة
الكلام صار يمر بأكثر من لغة وخلاص انا اصلا صرت ميتة ضحك من اللي اشوفه
حقيقي تحصل اشياء كثيرة
تخلي الشخص ينسى معاناته وتخلي عقله يتشتت عنها
وخصوصا انو مافي جوالات
ف الواحد يحس انو مممممررة منفصل عن عالمه اللي جا منه
اليوم الخامس خرجوني من كامب المطار

ورجعت شفت العالم وشميت الهوا اللي كله حرية


معلومة كذا ف الاخير ,... بعد كل مقابلة كانو يطبعو اوراق فيها الاسئلة كلها واجوبتي وكان المترجم/ة يرجعو يترجمو كل شي واكثر من مرة قد قلت ملاحظات وقالولي اتز اوكي في تفاصيل مو لازم تضاف يعني ماتأثر وفي حاجات انا ابغاهم يكتبوها بطريقتي بس قالو طريقة الضابط ف التعبير افضل لان كذا يفهمو الالمان الخ
ولازم اوقع ع كل شي
وخلاص يعطوني نسخة من كل المقابلات ف نفس الوقت
آآهه .... طبعا هذا واشياء ثانية حصلت زي انو ف 2 يوم ف الكامب نزل مطر جميييييييييييييييييلللللللل احساس منعش وجميل

طبعا في شي مهم لازم تفهموه انو العرب ف اي مكان متعصبين لديانتهم ف كنت اتعرض لبعض المضايقات الكلامية بخصوص اني ملحدة وكنت اقولهم انتو ف المانيا وهذا الذي تفعلونه خطأ لأننا في ألمانيا محفوظ لنا حق حرية الاعتقاد وكانو احيانا ينحرجو ويسكتو وعادي اهم شي الوحدة ماتسوي مشاكل ولو عندك رد قوليه بطريقة funny ورسمية وقوليه كمعلومة fact

و ايش كمان مرة طولت اليوم .... هذا كان بالنسبة لكامب المطار واحس كمان انو في تفاصيل ماقلتها بس اتمنى اني مانسيت اي شي من الاشياء المهمة

[TheFreeBird]

سعيدة بسلامتك و وصولك إلى بلد الحرية بسلام..

اتمنى لك التوفيق في حياتك الجديدة

سؤال:كيف تم إصدار شريحة جديدة لرقمك إذا كان بإسمك الرقم؟

اعتقد بسبب البلاغ هذا كان اجراء من السفارة

[TheFreeBird]

برافو
فعلا نفس الحريه مو طبيعي
حريه بكل شي
سعيدة جداً لك والي حريتك وقوتك
ننتظر كا العاده البقيه
بتوفيق

آآه بس ماحد يعرف قيمة الحرية الا اللي انحرم منها العمر كله

[TheFreeBird]

انتي قوية

انتي في بداية المشوار خليكي واثقة في نفسك دائما، ولا تستسلمي ابدا للإحباط لان راح تقابلين ناس محبطة وكسولة ماتحب تتعلم وناس بس كثير تتكلم عن صعوبة اللغة الألمانية هي لغة جديدة عليكي وتعلمها ليس بالشيء المستحيل واللغة الألمانية مستخدمة في سويسرا والنمسا ولوكسمبورغ و ألمانيا.

مبروك الحرية .. اتمنى لك كل السعادة في بلدك الجديد.

اللغة الألمانية لغة جميلة واليوم خلصت كلاسي الثاني وبدأت احس اني اعيشها .. مافي اي شي محبط ومافي شي صعب كلنا عندنا عقول وكلنا نقدر نتعلم لاشي مستحيل


أبددداً

[TheFreeBird]

جداً مبسوطه لك وحسيت بفرحتك واتمنى اجرب انا كمان حاسه اني فخوره فيك مبروك عالحريه وعقبالي شكراً على مشاركتنا قصتك استفدت كثير

حبيبي اتمنى لك حياة احسن واجمل وانا سعيدة انا اشارككم كل شي

[Skallaabdu]

إلى الآن استغرب من أشخاص يطلبون الأمن والسلام من اضطهاد وحرب وتسلط وغيره... وبعدها يجيك اللاجئ المسلم ويبغى يفرض دينه عليك.....................
اعتقد الشخص في هالمرحلة مفروض يفهم معنى الحرية نفس الحرية اللي يطلبها من الآخرين لنفسه.

[Qa83330869]

هل زوجك يتابع المنتدى ؟

[TheFreeBird]

هل زوجك يتابع المنتدى ؟

لا اعلم ولا اهتم‍♀️

[TheFreeBird]

إلى الآن استغرب من أشخاص يطلبون الأمن والسلام من اضطهاد وحرب وتسلط وغيره... وبعدها يجيك اللاجئ المسلم ويبغى يفرض دينه عليك.....................
اعتقد الشخص في هالمرحلة مفروض يفهم معنى الحرية نفس الحرية اللي يطلبها من الآخرين لنفسه.

صحيح المسلمين يحاولو يفرضو عقائدهم لكن الرد دايما موجود

[Qa83330869]

هروب الزوجة ضرره على الزوج بسيط لانه رح يطلب مهرك من اهلك ويتزوج بالمهر غيرك. غالب الضرر على النفسي والمادي ع الوالدين. قدامك التوفيق

[TheFreeBird]

هروب الزوجة ضرره على الزوج بسيط لانه رح يطلب مهرك من اهلك ويتزوج بالمهر غيرك. غالب الضرر على النفسي والمادي ع الوالدين. قدامك التوفيق

أنا اعرف بالشي اللي اسويه ما احتاج نصيحة او معلومة من مجهول... وزوجي ماخيلقى وحدة ترضى بقبحه ووقاحته ويبغاله سنين عشان يتعالج مقابل اللي سواه يستاهل كل شي

[Qa83330869]

قرارك ولك كامل الحرية فيه. لكن هو عنده الخيار يتزوج بمهرك اربع بنات من دول عربية اخرى وحيسوي فيهم زي ماسوى فيك. الذكور كلهم كذا

[TheFreeBird]

قرارك ولك كامل الحرية فيه. لكن هو عنده الخيار يتزوج بمهرك اربع بنات من دول عربية اخرى وحيسوي فيهم زي ماسوى فيك. الذكور كلهم كذا

يسطفل
يكفيني اعرف انه كان يبغا يجبرني على ٤ اطفال ودحين حيشوفهم ف كوابيسه

[Qa83330869]

اتمنى ان الوضع لكم الاثنين كويس. انتي رحتي لحياة افضل وهو صار له فرصة يبحث عن بنت احلا ويجدد ف حياته. لك كامل الود والتوفيق حليفك

[TheFreeBird]

اتمنى ان الوضع لكم الاثنين كويس. انتي رحتي لحياة افضل وهو صار له فرصة يبحث عن بنت احلا ويجدد ف حياته. لك كامل الود والتوفيق حليفك

الوضع بالنسبة ليا دايما كويس لاني اعرف كيف الوضع عنده
اخذت حقي منه وحاسة براحة نفسية ورضا تام
لاني اعرف انه ماحيرجع لتوزانه بسهولة
وانتا انا متفهمة صدمتك لأ ذا حال الذكور اللي مايشوفو نفسهم غلطانين رلا بأي حال
عادي ياخذ المهر ويشبع فيه انا عارفة انه ماحيذوق طعم السعادة ف حياته وكل واحد الآن اخذ اللي يستحقه
اي رجل يساوم انثى ويبتزها ويجبرها يستاهل اللي يجيه

[Skallaabdu]

قرارك ولك كامل الحرية فيه. لكن هو عنده الخيار يتزوج بمهرك اربع بنات من دول عربية اخرى وحيسوي فيهم زي ماسوى فيك. الذكور كلهم كذا

ليست مسؤولة عن قرارات أشخاص راشدين عشان تتحمل ذنبهم.
اتخذت قرارها لتحرر نفسها من قانون يطمس حريتها.
الأهل أشخاص راشدين ويتحملو مسؤولية قراراتهم السابقة و نتيجتها.
قراراتهم المستقبلية راجعة لهم.

التعميم سيء. اذا زوجها سيء ليس للرجال علاقة في تصرفاته فقط لكون اني اشترك معاه في مسمى جهازي التناسلي.

الآن الوقت انها تركز لنفسها بدون ضغط العادات الاجتماعية لأول مرة في حياتها.

[Qa83330869]

قرارك ولك كامل الحرية فيه. لكن هو عنده الخيار يتزوج بمهرك اربع بنات من دول عربية اخرى وحيسوي فيهم زي ماسوى فيك. الذكور كلهم كذا

ليست مسؤولة عن قرارات أشخاص راشدين عشان تتحمل ذنبهم.
اتخذت قرارها لتحرر نفسها من قانون يطمس حريتها.
الأهل أشخاص راشدين ويتحملو مسؤولية قراراتهم السابقة و نتيجتها.
قراراتهم المستقبلية راجعة لهم.

التعميم سيء. اذا زوجها سيء ليس للرجال علاقة في تصرفاته فقط لكون اني اشترك معاه في مسمى جهازي التناسلي.

الآن الوقت انها تركز لنفسها بدون ضغط العادات الاجتماعية لأول مرة في حياتها.

المشكلة في طالب اللجوء انه يتظاهر بأنه ترك كل شيء وراه وهو في الحقيقة يتعاظم في داخله. خصوصا اللاجيء الدلوع اللي ناقص من حياته شوي اكشن. تترك زوجها ولو تعرف انه تزوج بنت 18 مغربية اجمل منها تركت اللجوء ورجعت له وان تظاهرت بعدم غيرتها عليه. اللجوء عند الكثير مغامرة وموضة اكثر من حاجة وضرورة ومنك نتعلم وانت سيد العارفين

[TheFreeBird]

قرارك ولك كامل الحرية فيه. لكن هو عنده الخيار يتزوج بمهرك اربع بنات من دول عربية اخرى وحيسوي فيهم زي ماسوى فيك. الذكور كلهم كذا

ليست مسؤولة عن قرارات أشخاص راشدين عشان تتحمل ذنبهم.
اتخذت قرارها لتحرر نفسها من قانون يطمس حريتها.
الأهل أشخاص راشدين ويتحملو مسؤولية قراراتهم السابقة و نتيجتها.
قراراتهم المستقبلية راجعة لهم.

التعميم سيء. اذا زوجها سيء ليس للرجال علاقة في تصرفاته فقط لكون اني اشترك معاه في مسمى جهازي التناسلي.

الآن الوقت انها تركز لنفسها بدون ضغط العادات الاجتماعية لأول مرة في حياتها.

المشكلة في طالب اللجوء انه يتظاهر بأنه ترك كل شيء وراه وهو في الحقيقة يتعاظم في داخله. خصوصا اللاجيء الدلوع اللي ناقص من حياته شوي اكشن. تترك زوجها ولو تعرف انه تزوج بنت 18 مغربية اجمل منها تركت اللجوء ورجعت له وان تظاهرت بعدم غيرتها عليه. اللجوء عند الكثير مغامرة وموضة اكثر من حاجة وضرورة ومنك نتعلم وانت سيد العارفين

غيرة
تفكيرك اولد سكول ومارح ارد عليك اكثر
طينة الألفية المفروض مانضيع وقت معاهم
والموضة الجديدة هي 'زوجتي هربت مني' لين تتعلمو كيف تعاملونا
او بالمرة تزوجو المغربيات وريحونا من قرفكم
تكونو عملتو معروف حقيقي ف حياتكم

[Skallaabdu]

قرارك ولك كامل الحرية فيه. لكن هو عنده الخيار يتزوج بمهرك اربع بنات من دول عربية اخرى وحيسوي فيهم زي ماسوى فيك. الذكور كلهم كذا

ليست مسؤولة عن قرارات أشخاص راشدين عشان تتحمل ذنبهم.
اتخذت قرارها لتحرر نفسها من قانون يطمس حريتها.
الأهل أشخاص راشدين ويتحملو مسؤولية قراراتهم السابقة و نتيجتها.
قراراتهم المستقبلية راجعة لهم.

التعميم سيء. اذا زوجها سيء ليس للرجال علاقة في تصرفاته فقط لكون اني اشترك معاه في مسمى جهازي التناسلي.

الآن الوقت انها تركز لنفسها بدون ضغط العادات الاجتماعية لأول مرة في حياتها.

المشكلة في طالب اللجوء انه يتظاهر بأنه ترك كل شيء وراه وهو في الحقيقة يتعاظم في داخله. خصوصا اللاجيء الدلوع اللي ناقص من حياته شوي اكشن. تترك زوجها ولو تعرف انه تزوج بنت 18 مغربية اجمل منها تركت اللجوء ورجعت له وان تظاهرت بعدم غيرتها عليه. اللجوء عند الكثير مغامرة وموضة اكثر من حاجة وضرورة ومنك نتعلم وانت سيد العارفين

طيب والمشكلة ايش؟
اذا موضة اتريكها في حريتها انها *تختار* موضتها
ولك حرية اختيار *موضتك*

حكمتي عليها انها تتبع موضة وحكمتي اني شخص مثال لذلك.
اول اعرفي اسمي على الاقل قبل ما ترمين اتهامات مبنية على تكهنات.

ايش عقدتك مع المغربيات؟ و ١٨ سنة؟ والغيرة؟
من فين جا موضوع متكامل شكلتيه خارج الموضوع المطروح تماما؟

المهم مو مكانه هنا نتناقش. اللنك مخصص تحكي قصتها وليس مكان لنشر اعتقاداتك. اكتب موضوع كامل وعبر عن الفكرة في ملف آخر أفضل

[Nerik]

تعقيب على قصتك انا لا اختلف معك الا في نقطة طبعا الحرية حق من حقوقك ولكن لماذا تتزوجي شخص بعدين تغدري فيه الغدر ماله مسمى الا انه غدر يعني مهما حاولتي تمكيجيه او تغيري صورته يبقى غدر
كان ب امكانك تدبري طريقة للهرب بدون ما تكون م خلال زوجك لا تحرجي نفسك ولا تحرجيه لأن هذا شي مو انساني خالي من الأنسانية اللي انتي تبحثي عنها وتنادي فيها

[TheFreeBird]

تعقيب على قصتك انا لا اختلف معك الا في نقطة طبعا الحرية حق من حقوقك ولكن لماذا تتزوجي شخص بعدين تغدري فيه الغدر ماله مسمى الا انه غدر يعني مهما حاولتي تمكيجيه او تغيري صورته يبقى غدر
كان ب امكانك تدبري طريقة للهرب بدون ما تكون م خلال زوجك لا تحرجي نفسك ولا تحرجيه لأن هذا شي مو انساني خالي من الأنسانية اللي انتي تبحثي عنها وتنادي فيها

ايوا اكيد اسمه غدر بالنسبة لشخص مايعرف قد ايش قاومت الزواج هذا وتعرضت لتهديد من الخنزير اللي اجبرني عى نفسه
سميه زي ماتحب انا لا احب أن ابرر تصرفاتي اذا ماكان ضروري اني ابررها

[Nerik]

السعودية مليانه محاكم كان رحتي وقلتي ارفض هذا الزواج لأنه بالأكراه ماله داعي كل هذي الدراما يا اختي علشان تدوري لنفسك اعذار للهرب

[TheFreeBird]

السعودية مليانه محاكم كان رحتي وقلتي ارفض هذا الزواج لأنه بالأكراه ماله داعي كل هذي الدراما يا اختي علشان تدوري لنفسك اعذار للهرب

هذه المحاكم تعرف أين تضعها.

[Nerik]

أعترف ان السعودية بلد إجرامي لا تحصل فيه المرأة على حقوقها

[Zmr]

انتي فقط تعلمي ما عانيتي. اذا تم إجبارك الزواج فهو حقك الهروب. اتمني ان لا يكون اذاكي. بخصوص التفتيش هل هناك كاميرات. لما يتم تعريت النسا هكذا ما في جهاز يبين وخلاص. بخصوص الباسبورت اغلب الوقت يكون مع العائلة وليس مع البنت. فهل يقبلون الشخص بدون جوازه. في حال اراده البنت اخذ جوازها فقط وليس طلب اللجو اذا بلغت الشرطه سيأخذون من عائلتها ويعطونها ويحمونها الي ان تسافر بلد اخر؟هل أتأكي اي تهديد اخر من عائلتك.

[admin]

بخصوص الباسبورت اغلب الوقت يكون مع العائلة وليس مع البنت. فهل يقبلون الشخص بدون جوازه.

اللجوء لا يتطلب أن تحملي أي إثبات هوية.


إثبات الهوية وظيفتها فقط التحقق من شخصك. فإذا لم تكن لديك إثبات هوية فربما تطول عملية التحقق.

[admin]

في حال اراده البنت اخذ جوازها فقط وليس طلب اللجو اذا بلغت الشرطه سيأخذون من عائلتها ويعطونها ويحمونها الي ان تسافر بلد اخر؟

من حق أي سائح بالغ أن يبلغ الشرطة لكي يأخذ جوازه من شخص آخر. و لا علاقة لذلك باللجوء:

viewtopic.php?f=115&t=2160